హైదరాబాద్ : నాగార్జున సాగర్ నియోజకవర్గంలో టీఆర్ఎస్ పార్టీ అభ్యర్థి నోముల భగత్ విజయం దిశగా దూసుకుపోతున్నారు. ఈ క్రమంలో తెలంగాణ భవన్లో టీఆర్ఎస్ పార్టీ శ్రేణులు సంబురాల్లో మునిగి తేలుతున్నారు. డప్పులు వాయిస్తూ నృత్యాలు చేస్తున్నారు. సాగర్లో టీఆర్ఎస్ పార్టీ విజయానికి సంకేతంగా స్వీట్లు పంచుకుంటున్నారు. జై తెలంగాణ నినాదాలతో తెలంగాణ భవన్ మార్మోగిపోతోంది. ఇక సాగర్ ఉప ఎన్నిక ఫలితాల్లో భాగంగా ఇప్పటి వరకు 17 రౌండ్ల ఫలితాలు వెలువడ్డాయి. ఇంకా 8 రౌండ్ల ఫలితాలు వెలువడాల్సి ఉంది. ఒకట్రెండు గంటల్లో పూర్తిస్థాయి ఫలితం వెలువడనుంది. 17వ రౌండ్ ముగిసేసరికి నోముల భగత్ 11, 589 ఓట్ల ఆధిక్యంతో దూసుకుపోతున్నారు.