భారత విదేశీ రుణం రూ 72 లక్షల కోట్లు

దీ సర్కార్‌ పాలనలో దేశం అప్పులకుప్పగా మారుతున్నది. కేంద్రం విచ్చలవిడిగా అప్పులు చేస్తుండటంతో రుణభారం ఏటికేడు భారీగా పెరుగుతున్నది. భారతీయ రిజర్వ్‌ బ్యాంక్‌(ఆర్‌బీఐ) సోమవారం విడుదల చేసిన తాజా వివరాల ప్రకారం 2025 మార్చి చివరి నాటి స్థాయిలతో పోలిస్తే భారతదేశ విదేశీ రుణం 2,630 కోట్ల డాలర్లు పెరిగి ప్రస్తుతం రూ.72 లక్షల కోట్లకు చేరింది.

• జీడీపీలో విదేశీ రుణ నిష్పత్తి 20.8%

న్యూఢిల్లీ: మోదీ సర్కార్‌ పాలనలో దేశం అప్పులకుప్పగా మారుతున్నది. కేంద్రం విచ్చలవిడిగా అప్పులు చేస్తుండటంతో రుణభారం ఏటికేడు భారీగా పెరుగుతున్నది. భారతీయ రిజర్వ్‌ బ్యాంక్‌(ఆర్‌బీఐ) సోమవారం విడుదల చేసిన తాజా వివరాల ప్రకారం 2025 మార్చి చివరి నాటి స్థాయిలతో పోలిస్తే భారతదేశ విదేశీ రుణం 2,630 కోట్ల డాలర్లు పెరిగి ప్రస్తుతం రూ.72 లక్షల కోట్లకు చేరింది. స్థూల దేశీయ ఉత్పత్తి(జీడీపీ)కి విదేశీ రుణాల నిష్పత్తి కూడా 2025 మార్చి చివరి నాటికి ఉన్న 19.8% నుండి 2026 మార్చి చివరి నాటికి 20.8%కి పెరిగింది.

భారతీయ రూపాయి, ఇతర ప్రధాన కరెన్సీలతో పోలిస్తే అమెరికా డాలర్‌ విలువ పెరగడం వల్ల కలిగిన వాల్యూయేషన్‌ ప్రభావం(విలువ మార్పు ప్రభావం) 2,460 కోట్ల డాలర్లుగా ఉన్నప్పటికీ ఒకవేళ ఈ ప్రభావాన్ని మినహాయిస్తే 2025 మార్చి చివరి నాటితో పోలిస్తే 2026 మార్చి చివరి నాటికి విదేశీ రుణం 2,630 కోట్ల డాలర్లకు బదులుగా 5,100 కోట్ల డాలర్లు పెరిగి ఉండేది.

2026 మార్చి చివరి నాటికి భారతదేశ విదేశీ రుణంలో అమెరికా డాలర్లతో ఉన్న రుణమే 55.5% వాటాతో అతిపెద్ద భాగంగా కొనసాగుతోంది. ఆ తర్వాతి స్థానాల్లో భారత రూపాయి (29.4%), ఎన్‌(6.4%), ఎస్‌డీఆర్‌2(4.3%), యూరో(3.7%)లలో ఉన్న రుణాలు ఉన్నాయి. దీర్ఘకాలిక రుణం(ఒక సంవత్సరం కంటే ఎక్కువ అసలు మెచ్యూరిటీతో) కూడా 2025 మార్చి చివరి నాటి స్థాయి కంటే 1,160 కోట్ల డాలర్లు పెరిగి 61,350 కోట్ల డాలర్లకు చేరింది. మొత్తం బాహ్య రుణంలో స్వల్పకాలిక రుణాల(ఒక సంవత్సరం వరకు అసలు మెచ్యూరిటీ ఉన్నవి) వాటా కూడా 2025 మార్చి చివరి నాటికి 18.3% నుండి 2026 మార్చి చివరి నాటికి 19.6% పెరిగింది.