ఒకేరోజు అరేబియాలో భారత్‌, పాక్‌ నౌకా విన్యాసాలు

భారత నావికా దళం అరేబియా సముద్రంలో నావికా విన్యాసాలు నిర్వహించడానికి నిర్ణయించింది. అదే సమయంలో మన దాయాది పాకిస్థాన్‌ కూడా తమ ప్రాదేశిక జలాల్లో నౌకా విన్యాసాలు చేయడానికి సన్నాహాలు చేస్తున్నది.

న్యూఢిల్లీ, ఆగస్టు 10: భారత నావికా దళం అరేబియా సముద్రంలో నావికా విన్యాసాలు నిర్వహించడానికి నిర్ణయించింది. అదే సమయంలో మన దాయాది పాకిస్థాన్‌ కూడా తమ ప్రాదేశిక జలాల్లో నౌకా విన్యాసాలు చేయడానికి సన్నాహాలు చేస్తున్నది.

ఇటీవలే రెండు దేశాల మధ్య చోటుచేసుకున్న పోరు నేపథ్యంలో ఈ విన్యాసాలు ఉద్రిక్తతలకు దారితీస్తాయా? అన్న అనుమానాలు వ్యక్తం అవుతున్నాయి. ఈ నెల 11, 12 తేదీల్లో తమ యుద్ధ నౌకలు అరేబియా సముద్ర జలాల్లో విన్యాసాలు నిర్వహిస్తాయని మన రక్షణ వర్గాలు ఆదివారం నిర్ధారించాయి. అయితే అదే సమయంలో తాము కూడా నావికా విన్యాసాలు చేపట్టనున్నట్టు పాకిస్తాన్‌ నోటమ్‌ జారీ చేసింది.