జనవరి నుంచి ధరల మోత

10 శాతం వరకు పెరుగనున్న టీవీలు, రిఫ్రిజిరేటర్లు, వాషింగ్‌మెషీన్ల ధరలు

న్యూఢిల్లీ: వచ్చే ఏడాది జనవరి నుంచి ఎల్‌ఈడీ టీవీలు, రిఫ్రిజరేటర్లు, వాషింగ్‌ మెషీన్ల ధరలు 10 శాతం వరకు పెరిగే అవకాశం ఉన్నది. కాపర్‌, అల్యూమినియం, ఉక్కు వంటి ముడిసరకు ధరలు పెరుగటంతోపాటు, నౌకా, విమాన మార్గాల్లో సరుకు రవాణా చార్జీలు పెరుగటమే ఇందుకు కారణం. అంతేగాకుండా, అంతర్జాతీయంగా టీవీ ప్యానెళ్ల సరఫరా తగ్గటంతో వాటి ధరలు రెండు రెట్లు పెరిగాయి. గత్యంతరం లేని పరిస్థితుల్లో ధరలు పెంచక తప్పడం లేదని ఎల్జీ, పానసోనిక్‌, థామ్సన్‌ వంటి సంస్థలు తెలిపాయి.