హెల్త్ క్రెడిట్‌ స్కోర్‌ను ఎలా నిర్వహించుకోవాలి… ?

హైదరాబాద్ : ఓ వ్యక్తి ఆర్ధిక ఆరోగ్యాన్ని క్రెడిట్‌ స్కోర్‌తో కనుగొంటారు. క్రెడిట్‌ రేటింగ్‌ కంపెనీలు అందించే మూడు అంకెల సంఖ్య ఇది. రుణగ్రహీతల క్రెడిట్‌ యోగ్యతను వారి క్రెడిట్‌ చరిత్ర ఆధారంగా కంపెనీలు గుర్తిస్తాయి. ఈ స్కోర్‌ 300–900 మధ్య ఉంటుంది. సాధారణంగా 750కు పైన క్రెడిట్‌ స్కోర్‌ ఉంటే అది చక్కటి స్కోర్‌గా పరిగణిస్తారు. చక్కటి క్రెడిట్‌ స్కోర్‌ ఉంటే బ్యాంకులు తక్కువ వడ్డీరేట్లకు రుణాలు అందిస్తాయి. వీటితో పాటుగా రుణాలు, క్రెడిట్‌ కార్డులు వంటివి పొందవచ్చు. ఆరోగ్యవంతమైన ఆర్ధిక అలవాట్లను అనుసరించడం ద్వారా దీనిని చేరుకోవచ్చు. క్రెడిట్ స్కోర్ ను పెంచుకోవడానికి అనుసరించాల్సిన అంశాలను హోమ్‌ క్రెడిట్‌ ఇండియా వైస్‌ ప్రెసిడెంట్‌ నిధి మాలిక్‌ చెబుతున్నారు. చక్కటి క్రెడిట్‌ స్కోర్‌ నిర్వహించడానికి అనుసరించాల్సిన ఐదు సూత్రాలు..

• ఒకరి పే మెంట్ హిస్టరీపై మరొకరి క్రెడిట్‌ స్కోర్‌ ఎక్కువగా ఆధారపడి ఉంటుంది. రుణగ్రహీత బాధ్యతగా సకాలంలో చెల్లింపులు చేయాలి. రుణాలు లేదా క్రెడిట్‌ కార్డు బిల్లులను తిరిగి సకాలంలో చెల్లించడం ద్వారా క్రెడిట్‌ స్కోర్‌పై ప్రభావం పడకుండా చూడవచ్చు. ప్రతి నెలా బ్యాంకులో ఈఎంఐ చెల్లింపులకు తగు మొత్తంలో నగదు ఉండేటట్లు జాగ్రత్త పడటంతో పాటుగా క్రెడిట్‌కార్డు చెల్లింపులను గడువుకు ముందు చెల్లించడం అసలు మరిచిపోకూడదు. ఒకవేళ ఆ బిల్లులను పూర్తిగా చెల్లించలేకపోతే కనీస మొత్తం అయినా చెల్లించాలి.
• ఓ వ్యక్తికి లభించే మొత్తం రుణంలో ఎంత మొత్తం ఆ వ్యక్తి వినియోగించుకున్నాడనే దాని ఆధారంగా క్రెడిట్‌ వినియోగ రేషియో గుణిస్తారు. క్రెడిట్‌ స్కోర్‌పై అత్యధికంగా ప్రభావం చూపే రెండో అంశమిది. క్రెడిట్‌ వినియోగ రేషియో ఖచ్చితంగా 30శాతం లోపు ఉండాలి. ఈ రేషియో ఎంత తక్కువ ఉంటే అంతగా ఈ క్రెడిట్‌ స్కోర్‌ పెరుగుతుంది.

-స్కోర్‌ రెగ్యులర్‌గా పరీక్షించుకోవాలి..
క్రెడిట్‌ స్కోర్‌ను రెగ్యులర్‌గా సమీక్షించడంతో పాటు, ఏమైనా వివాదాలుంటే వెంటనే సంబంధిత అధికారులకు తెలియజేయాలి.

-పాత ఖాతాల పట్ల ఆప్రమప్తంగా ఉండాలి..
క్రెడిట్‌ స్కోర్‌పై ఒకరి క్రెడిట్‌ హిస్టరీ కూడా ప్రభావంచూపుతుంది. సుదీర్ఘకాలం పాటు ఓ బ్యాంకుతో అనుబంధం కలిగి ఉంటే అది క్రెడిట్‌ స్కోర్‌పై కూడా చక్కటి ప్రభావం చూపుతుంది.

• ప్రణాళిక చేసుకోవాలి..
  పాత రుణ ఖాతాలను కూడా క్రెడిట్‌ స్కోర్‌ పరిగణలోకి తీసుకుంటుంది. ఎక్కువగా వాయిదాలను చెల్లించకపోవడం అనేది మీ క్రెడిట్‌ స్కోర్‌పై ప్రభావం చూపుతుంది. క్రెడిట్‌ స్కోర్‌ నిర్వహణకు తగిన చర్యలను తీసుకోవడం మంచిది.
  ఈ అంశాలు మీ క్రెడిట్‌ స్కోర్‌ను చక్కగా నిర్వహించడంలో తోడ్పడటంతో పాటు, రుణ దరఖాస్తులను రుణదాతలు తిరస్కరించకుండా ఉండేందుకు సైతం తోడ్పడతాయి.