సూపర్స్టార్ కృష్ణ మనవడు అశోక్ గల్లా కథానాయకుడిగా పరిచయమవుతున్న చిత్రానికి ‘హీరో’ అనే టైటిల్ను ఖరారు చేశారు. శ్రీరామ్ ఆదిత్య దర్శకుడు. పద్మావతి గల్లా నిర్మాత. నిధి అగర్వాల్ కథానాయిక. ఈ సినిమా టైటిల్ టీజర్, ఫస్ట్లుక్ పోస్టర్ను అగ్రహీరో మహేష్బాబు బుధవారం విడుదలచేశారు. ఈ టీజర్లో కౌబాయ్, జోకర్ గెటప్లలో అశోక్ గల్లా విభిన్నంగా కనిపిస్తున్నారు. మహేష్బాబు మాట్లాడుతూ ‘అశోక్ గల్లా హీరోగా నటిస్తున్న తొలి సినిమా టైటిల్ను విడుదలచేయడం ఆనందంగా ఉంది. హీరో జర్నీ ఆరంభమైంది. టీజర్ ఆసక్తిని రేకెత్తిస్తుంది’ అని తెలిపారు. నిర్మాత మాట్లాడుతూ ‘యాక్షన్ ఎంటర్టైనర్ చిత్రమిది. వినూత్నమైన పాయింట్తో దర్శకుడు శ్రీరామ్ ఆదిత్య ఈ సినిమాను తెరకెక్కిస్తున్నారు. చిత్రీకరణ తుదిదశకు చేరుకున్నది. త్వరలో సినిమాను ప్రేక్షకుల ముందుకు తీసుకొస్తాం’ అని తెలిపారు. జగపతిబాబు, నరేష్, కౌసల్య, వెన్నెల కిశోర్ ప్రధాన పాత్రల్లో నటిస్తున్న ఈ చిత్రానికి సంగీతం: జిబ్రాన్, సినిమాటోగ్రఫీ: సమీర్రెడ్డి, రిచర్డ్ప్రసాద్.