Hemant Soren | ఈడీ అధికారులపై కేసు పెట్టిన సీఎం హేమంత్‌ సోరెన్‌

Hemant Soren | ఎన్‌ఫోర్స్‌మెంట్‌ డైరెక్టరేట్‌ (Enforcement Directorate) అధికారులపై జార్ఖండ్‌ ముఖ్యమంత్రి (Jharkhand Chief Minister ) హేమంత్‌ సోరెన్‌ (Hemant Soren) పోలీసులకు ఫిర్యాదు చేశారు.

Hemant Soren | మనీలాండరింగ్‌ (money laundering case) ఆరోపణలను ఎదుర్కొంటున్న జార్ఖండ్‌ ముఖ్యమంత్రి (Jharkhand Chief Minister ) హేమంత్‌ సోరెన్‌ (Hemant Soren)ను ఎన్‌ఫోర్స్‌మెంట్‌ డైరెక్టరేట్‌ (Enforcement Directorate) అధికారులు బుధవారం విచారిస్తున్న విషయం తెలిసిందే. ఈ నేపథ్యంలో ఈడీ అధికారులపై సోరెన్‌ పోలీసులకు ఫిర్యాదు చేశారు. ఎస్సీ, ఎస్టీ వేధింపుల నిరోధక చట్టం కింద ఈడీ అధికారులపై తగిన చర్యలు తీసుకోవాలని ధృవా పోలీసు స్టేషన్‌లో సీఎం సోరెన్‌ ఫిర్యాదు చేసినట్లు రాంచీ పోలీసులు (Ranchi police) వెల్లడించారు.

A complaint to register an FIR against ED officials has been sent by the Jharkhand CM Hemant Soren. The complaint has been received at Dhurwa police station: Ranchi police

— ANI (@ANI) January 31, 2024

మరోవైపు మనీలాండరింగ్‌ కేసులో సీఎం సోరెన్‌ను ఈడీ అధికారులు విచారిస్తున్నారు. బుధవారం మధ్యాహ్నం 1 గంట సమయంలో భారీ భద్రత నడుమ రాంచీలోని సోరెన్‌ నివాసానికి చేరుకున్న ఈడీ బృందాలు.. సోరెన్‌ను ప్రశ్నిస్తున్నారు. మరోవైపు మనీలాండరింగ్‌ కేసులో సోరెన్‌ను ఈడీ అరెస్ట్‌ చేసే అవకాశం ఉన్నట్లు జోరుగా ప్రచారం జరుగుతోంది. ఈ నేపథ్యంలో రాష్ట్రంలో శాంతి భద్రతల సమస్య తలెత్తే ప్రమాదం ఉందని భావించిన ఈడీ.. విచారణ సమయంలో అదనపు భద్రత కల్పించాలని పోలీసులను కోరారు. ఈ నేపథ్యంలో సోరెన్‌ నివాసం వద్ద పోలీసులు భారీగా మోహరించారు. అదేవిధంగా రాష్ట్ర వ్యాప్తంగా కూడా భద్రతను కట్టుదిట్టం చేశారు.

Also Read..

Arvind Kejriwal | మద్యం కేసులో ఢిల్లీ సీఎం కేజ్రీవాల్‌కు ఐదోసారి ఈడీ నోటీసులు

Hemant Soren | హేమంత్‌ సోరెన్‌ను విచారిస్తున్న ఈడీ అధికారులు.. రాష్ట్ర వ్యాప్తంగా భద్రత కట్టుదిట్టం

Atal Tunnel | భారీ హిమపాతం.. అటల్‌ టన్నెల్‌ వద్ద చిక్కుకుపోయిన 300 మంది టూరిస్ట్‌లను రక్షించిన పోలీసులు