Bhopal | వెయ్యి పేజీల ఫిర్యాదు పత్రాలతో పొర్లుదండాలు.. బాధితుడి వినూత్న నిరసన..
అవినీతి, అధికారుల అలసత్వంపై అనేక ఫిర్యాదులు చేసినా, తనకు న్యాయం జరగటం లేదంటూ మధ్యప్రదేశ్‌లో ఓ వ్యక్తి వినూత్న నిరసన చేపట్టాడు. వెయ్యి పేజీలతో ఫిర్యాదును రూపొందించిన అతడు, దాన్ని ఒంటికి చుట్టుకొని అర్ధనగ్నంగా మధ్యప్రదేశ్‌లోని నీమచ్‌ కలెక్టరేట్‌ ముందు నిరసనకు దిగాడు.
- కలెక్టరేట్‌ ముందు అర్ధనగ్న నిరసన
- ఏడేండ్లుగా తిరుగుతున్నా చర్యల్లేవ్‌
- మధ్యప్రదేశ్‌లో ఓ బాధితుడు ఆవేదన
భోపాల్‌, సెప్టెంబర్‌ 4: అవినీతి, అధికారుల అలసత్వంపై అనేక ఫిర్యాదులు చేసినా, తనకు న్యాయం జరగటం లేదంటూ మధ్యప్రదేశ్‌లో ఓ వ్యక్తి వినూత్న నిరసన చేపట్టాడు. వెయ్యి పేజీలతో ఫిర్యాదును రూపొందించిన అతడు, దాన్ని ఒంటికి చుట్టుకొని అర్ధనగ్నంగా మధ్యప్రదేశ్‌లోని నీమచ్‌ కలెక్టరేట్‌ ముందు నిరసనకు దిగాడు. కాకరాయి గ్రామానికి చెందిన ముకేష్‌ ప్రజాపత్‌ మంగళవారం జిల్లా కలెక్టర్‌ కార్యాలయంలో నిర్వహించిన ప్రజావాణి కార్యక్రమానికి హాజరై వినూత్న పద్ధతిలో తన నిరసన వ్యక్తం చేశాడు. ‘ఏడేండ్లుగా న్యాయం కోసం పోరాడుతున్నా. చెప్పులు నెత్తిన పెట్టుకొని న్యాయం కోసం వేడుకుంటున్నా. నా గోడు సీఎం మోహన్‌ యాదవ్‌ వినాలి’ అంటూ తన ఆవేదన వ్యక్తం చేశాడు.
Read Today's Latest National News in Telugu and Telugu News
- Follow Us :
-
