Emmanuel Macron | జైపూర్‌లో ల్యాండ్‌ అయిన ఫ్రాన్స్‌ అధ్యక్షుడు‌.. మరికాసేపట్లో ప్రధాని మోదీతో కలిసి రోడ్‌ షో

Emmanuel Macron | ఈ ఏడాది గణతంత్ర దినోత్సవ వేడుకలకు ముఖ్య అతిథిగా ఫ్రాన్స్‌ అధ్యక్షుడు ఇమ్మాన్యుయేల్‌ మాక్రాన్‌ (Emmanuel Macron) హాజరవుతున్న విషయం తెలిసిందే. ఇందులో భాగంగానే నేడు భారత్‌ చేరుకున్నారు.

Emmanuel Macron | ఈ ఏడాది గణతంత్ర దినోత్సవ వేడుకలకు ముఖ్య అతిథిగా ఫ్రాన్స్‌ అధ్యక్షుడు ఇమ్మాన్యుయేల్‌ మాక్రాన్‌ (Emmanuel Macron) హాజరవుతున్న విషయం తెలిసిందే. రెండు రోజుల పాటు ఆయన భారత్‌లో పర్యటించనున్నారు. ఇందులో భాగంగానే నేడు భారత్‌ చేరుకున్నారు. మధ్యాహ్నం 2:30 గంటల సమయంలో రాజస్థాన్‌ జైపూర్‌ (Jaipur) ఎయిర్‌పోర్ట్‌లో ల్యాండ్‌ అయ్యారు. మాక్రాన్‌కు కేంద్ర విదేశాంగ శాఖ మంత్రి జై శంకర్‌ సహా పలువురు అధికారులు ఘనంగా స్వాగతం పలికారు.

భారత్‌ పర్యటనలో భాగంగా నేడు మాక్రాన్‌.. ప్రధాన మంత్రి నరేంద్ర మోదీ (PM Modi)తో కలిసి జైపూర్‌లోని పలు పర్యాటక ప్రదేశాలను సందర్శించనున్నారు. అంబర్‌ ఫోర్ట్‌, జంతర్‌ మంతర్‌, హవా మహల్‌లను సందర్శిస్తారు. ఇక జంతర్‌ మంతర్‌ నుంచి హవా మహల్‌ వరకూ దాదాపు 15 నిమిషాల పాటు ఇద్దరు నేతలు రోడ్‌షో నిర్వహించనున్నారు. సాయంత్రం హోటల్‌ రాంబాగ్‌ ప్యాలెస్‌లో ఇరువురూ సమావేశం కానున్నారు.

#WATCH | French President Emmanuel Macron arrives in Jaipur, Rajasthan as part of his two-day State visit to India. He will also attend the Republic Day Parade 2024 as the Chief Guest. pic.twitter.com/4zYFGZuVfu

— ANI (@ANI) January 25, 2024

ఈ పర్యటన తర్వాత మాక్రాన్‌ గురువారం రాత్రికి దేశరాజధాని ఢిల్లీకి చేరుకుంటారు. జనవరి 26వ తేదీన జరిగే రిపబ్లిక్‌ డే పరేడ్‌లో ముఖ్య అతిథిగా హాజరవుతారు. ఆ తర్వాత రాష్ట్రపతి భవన్‌లో ‘ఎట్‌ హోమ్‌’ కార్యక్రమంలో పాల్గొంటారు. ఈ రెండు రోజుల పర్యటనలో భారత్‌తో మాక్రాన్‌ పలు ఒప్పందాలు చేసుకోనున్నారు. ముఖ్యంగా రక్షణ, భద్రత, క్లీన్‌ ఎనర్జీ, వాణిజ్యం, పెట్టుబడులు, కొత్త సాంకేతికత తదితర రంగాల్లో ఒప్పందాలు జరుగనున్నట్టు తెలుస్తోంది.

గణతంత్ర దినోత్సవ వేడుకలకు భారత్ వస్తున్న ఆరో అధ్యక్షుడిగా మాక్రాన్ నిలవనున్నారు. గతంలో ఫ్రెంచ్ అధ్యక్షులు ఫ్రాంకోయిస్ హోలాండ్ (2016), నికోలస్ సర్కోజీ (2008), జాక్వెస్ చిరాక్ (1998), వాలెరీ గిస్కార్డ్ డి ఎస్టేయింగ్ (1980)లు దేశానికి వచ్చానికి. కాగా, మాక్రాన్‌ తన రెండు రోజుల పర్యటనలో భాగంగా భారత్‌తో పలు ఒప్పందాలు చేసుకోనున్నారు. ముఖ్యంగా రక్షణ, భద్రత, క్లీన్‌ ఎనర్జీ, వాణిజ్యం, పెట్టుబడులు, కొత్త సాంకేతికతోపాటు ఇతర రంగాల్లో ఇరు దేశాల మధ్య ఒప్పందాలు జరుగనున్నట్లు తెలుస్తున్నది.

Also Read..

Jagadish Shettar | కర్ణాటకలో కాంగ్రెస్‌కు గట్టి షాక్‌.. పార్టీని వీడిన జగదీష్‌ శెట్టర్‌

Tamil Nadu | అదుపుతప్పి వాహనాలపైకి దూసుకెళ్లిన లారీ.. నలుగురు మృతి.. షాకింగ్‌ వీడియో

Ram Temple | అయోధ్య రామ మందిరానికి తొలి రోజు భారీ విరాళాలు.. ఎన్ని కోట్లంటే..?