ఫాస్టాగ్‌లకు కేవైవీ ఇక అక్కర్లేదు.. ఫిబ్రవరి 1 నుంచి వచ్చే మార్పులివే

ఫిబ్రవరి 1 నుంచి ప్రజల నిత్య జీవనంపై ప్రభావం పడే కొన్ని మార్పులు రానున్నాయి. ఫాస్టాగ్‌ నుంచి సిగరెట్‌ ధరల పెరుగుదల వరకు పలు మార్పులు చోటుచేసుకోనున్నాయి.

• పెరగనున్న సిగరెట్‌, పాన్‌ మసాలా ధరలు

న్యూఢిల్లీ : ఫిబ్రవరి 1 నుంచి ప్రజల నిత్య జీవనంపై ప్రభావం పడే కొన్ని మార్పులు రానున్నాయి. ఫాస్టాగ్‌ నుంచి సిగరెట్‌ ధరల పెరుగుదల వరకు పలు మార్పులు చోటుచేసుకోనున్నాయి.

అవి ఏమిటంటే..

• కొత్తగా జారీ చేసే ఫాస్టాగ్‌లకు నో యువర్‌ వెహికిల్‌ (కేవైవీ) తనిఖీ ప్రక్రియను పూర్తిగా తొలగిస్తున్నట్లు నేషనల్‌ హైవేస్‌ అథారిటీ ఆఫ్‌ ఇండియా (ఎన్‌హెచ్‌ఏఐ) ప్రకటించింది. వాహనం సమాచారాన్ని తనిఖీ చేయవలసిన పూర్తి బాధ్యత ఫాస్టాగ్‌ను జారీ చేసే బ్యాంకులదే.
• పాన్‌ మసాలా, సిగరెట్లు, పొగాకు సంబంధిత ఉత్పత్తులు ఫిబ్రవరి 1 నుంచి మరింత ప్రియం కానున్నాయి. వీటిపై కేంద్రం అధిక సుంకాలు విధించడమే కారణం. పాన్‌ మసాలాపై అదనంగా ఆరోగ్యం, దేశ భద్రతకు సంబంధించిన పన్నులను కూడా విధిస్తున్నది.
• ఫిబ్రవరి ఒకటిన కేంద్ర ఆర్థిక మంత్రి నిర్మల సీతారామన్‌ బడ్జెట్‌ను పార్లమెంటుకు సమర్పిస్తారు. ఆ రోజున స్టాక్‌ మార్కెట్లు ఎన్‌ఎస్‌ఈ, బీఎస్‌ఈ యథావిధిగా ఉదయం 9.15 గంటల నుంచి మధ్యాహ్నం 3.30 గంటల వరకు పని చేస్తాయి. బడ్జెట్‌ను ఉదయం 11 గంటలకు ప్రవేశపెడతారు. కాబట్టి మార్కెట్‌ హెచ్చుతగ్గులకు గురయ్యే అవకాశం ఉంటుంది.
• ఇంట్లో వాడుకునే వంట గ్యాస్‌, వాణిజ్య వంట గాస్‌ సిలిండర్ల ధరలను చమురు కంపెనీలు సవరిస్తాయి.