Hit And Drag | మద్యం మత్తులో బైక్‌ను ఢీ కొట్టి.. 500 మీటర్లు ఈడ్చుకెళ్లిన కారు డ్రైవర్‌

Hit And Drag | కర్ణాటక రాజధాని బెంగళూరు (Bengaluru)లో షాకింగ్‌ ఘటన చోటు చేసుకుంది. మద్యం మత్తులో ఓ కారు డ్రైవర్‌ (Car Driver) బైక్‌ను ఢీ కొట్టి సుమారు అర కిలోమీటరు మేర ఈడ్చుకెళ్లాడు (Hit And Drag).

Hit And Drag | కర్ణాటక రాజధాని బెంగళూరు (Bengaluru)లో షాకింగ్‌ ఘటన చోటు చేసుకుంది. క్రిస్మస్‌ (Christmas Eve) ముందురోజు రాత్రి మద్యం మత్తులో ఓ కారు డ్రైవర్‌ (Car Driver) బైక్‌ను ఢీ కొట్టి సుమారు అర కిలోమీటరు మేర ఈడ్చుకెళ్లాడు (Hit And Drag). ఈ ఘటనలో బైకర్‌కు తీవ్ర గాయాలయ్యాయి.

పోలీసులు తెలిపిన వివరాల ప్రకారం.. డిసెంబర్‌ 24న రాత్రి 7:15 గంటల సమయంలో సుమనహళ్లి ఫ్లైఓవర్ నుంచి నాగరభావి సర్కిల్‌కు వెళ్లే రహదారిపై ఈ ఘటన చోటు చేసుకుంది. 38 ఏండ్ల శ్రీనివాస్‌ కేవీ తన కారులో అతివేగంగా వెళ్తున్నాడు. ఆ సమయంలో అతడు మద్యం మత్తులో కారు నడుపుతున్నాడు. అదే సమయంలో రాయల్‌ ఎన్‌ఫీల్డ్‌ బైక్‌పై వెళ్తున్న రోహిత్‌ అనే వ్యక్తిని కారు వెనుక నుంచి బలంగా ఢీ కొట్టింది. అనంతరం బై‌క్‌ను కారు దాదాపు 500 మీటర్లు ఈడ్చుకెళ్లింది. ఈ ఘటనలో రోహిత్‌కు తీవ్ర గాయాలయ్యాయి. గమనించిన ఇతర వాహనదారులు కారును ఆపి రోహిత్‌ను రక్షించారు. అనంతరం కారు డ్రైవర్‌ను చితకబాది పోలీసులకు అప్పగించారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. బైకర్‌కు ఛాతీ, కాళ్లు, చేతులకు గాయాలైనట్లు పోలీసులు తెలిపారు. ప్రస్తుతం అతను ఆసుపత్రిలో చికిత్స పొందుతున్నాడు. ఘటనకు సంబంధించిన వీడియో నెట్టింట వైరల్‌గా మారింది.

Also Read..

CJI Surya Kant | ఢిల్లీలో కాలుష్య సంక్షోభానికి వాళ్లే పరిష్కారం కనుగొంటారు : సీజేఐ జస్టిస్‌ సూర్యకాంత్‌

UP Man Kills Wife | రహస్యంగా మొబైల్‌ వాడుతోందని.. భార్యను హత్య చేసి.. దృశ్యం సినిమాను తలపించే సీన్‌

Railway Ticket Fares | ప్రయాణికులకు అలర్ట్‌.. పెంచిన రైలు చార్జీలు నేటి నుంచి అమల్లోకి