అంతర్జాతీయ సరిహద్దులో డ్రోన్‌ సంచారం.. భద్రతా బలగాల సెర్చ్‌ ఆపరేషన్‌

శ్రీనగర్‌ : భారత్-పాకిస్థాన్ అంతర్జాతీయ సరిహద్దులోని అర్నియా ప్రాంతంలో డ్రోన్‌ సంచరించడంతో భద్రతా బలగాలు సెర్చ్‌ ఆపరేషన్‌ ప్రారంభించాయి. ఆ ప్రాంతంలో అన్ని భద్రతా ఏర్పాట్లను కట్టుదిట్టం చేసినట్లు పోలీసు అధికారులు తెలిపారు. ఇంతకు ముందు ఇదే ప్రాంతంలో డ్రోన్‌లో కనిపించిన సంఘటనలున్నాయి. గురువారం అంతర్జాతీయ సరిహద్దులో ఉన్న బీపీఓ బిక్రమ్‌, జబోవాల్‌ మధ్య సరిహద్దు భద్రతా దళ సిబ్బంది డ్రోన్‌ కనిపించడంతో కాల్పులు జరిపారు. ఆ తర్వాత డ్రోన్‌ అక్కడి నుంచి అదృశ్యమైంది.

ఇంతకు ముందు జనవరి 7న దోమనలోని పౌనిచక్‌ ప్రాంతంలోనూ డ్రోన్‌ కదలికలను గుర్తించారు. అయితే, డ్రోన్‌ ద్వారా మద్దతు పదార్థాలు, ఆయుధాలను జారవిడిచి వెళ్లిందా? అని తెలుసుకునేందుకు భద్రతా సిబ్బంది సెర్చ్‌ ఆపరేషన్‌ చేపట్టారు. పాకిస్థాన్‌తో 198 కిలోమీటర్ల పొడవైన సరిహద్దు ఉండగా.. ఆయా ప్రాంతాల జనం పాక్‌ వైపు నుంచి వస్తున్న డ్రోన్‌ కార్యకలాపాలను నిశితంగా గమనిస్తూ బీఎస్‌ఎఫ్‌కి సహాయం అందిస్తున్నారు. బీఎస్‌ఎఫ్‌ ఇండో-పాక్‌ కార్యకలాపాలపై 140కిపైగా డ్రోన్‌ అవెర్‌నెస్‌ ప్రోగ్రామ్‌లను నిర్వహించి, ప్రజలకు శిక్షణ ఇచ్చింది.