Watch: ఛత్ ప్రసాదం కోసం.. ప్యాసింజర్ రైలు ఆపిన లోకో పైలట్, వీడియో వైరల్‌

Driver Stops Passenger Train | ఉత్తరాదిలో ఛత్‌ పూజలు, ఆచారాలు ఘనంగా జరుగుతున్నాయి. ఈ నేపథ్యంలో ఛత్ ప్రసాదం కోసం ప్యాసింజర్ రైలును లోకో పైలట్ ఆపాడు. ఒక వ్యక్తి నుంచి ఆ ప్రసాదాన్ని స్వీకరించాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

October 30, 2025 / 08:36 PM IST

Watch: ఛత్ ప్రసాదం కోసం.. ప్యాసింజర్ రైలు ఆపిన లోకో పైలట్, వీడియో వైరల్‌

పాట్నా: ఉత్తరాదిలో ఛత్‌ పూజలు, ఆచారాలు ఘనంగా జరుగుతున్నాయి. ఈ నేపథ్యంలో ఛత్ ప్రసాదం కోసం ప్యాసింజర్ రైలును లోకో పైలట్ ఆపాడు. ఒక వ్యక్తి నుంచి ఆ ప్రసాదాన్ని స్వీకరించాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Driver Stops Passenger Train) అసెంబ్లీ ఎన్నికలకు సిద్ధమైన బీహార్‌లో ఈ సంఘటన జరిగింది. ఆ రాష్ట్రంలోని ముఖ్య పండుగల్లో ఛత్‌ పూజ ఒకటి. ఈ నేపథ్యంలో భక్తులు నది వద్ద పూజలు ఆచరించారు. అక్కడున్న వారికి ప్రసాదాలు పంపిణీ చేశారు.

కాగా, ఆ ప్రాంతంలో ఉన్న రైలు పట్టాలపై ప్యాసింజర్‌ రైలు వెళ్తున్నది. ఛత్‌ ప్రసాదాల పంపిణీని లోకోపైలట్‌ గమనించాడు. వంతెన సమీపంలో ఆ రైలును నిలిపివేశాడు. ఒక వ్యక్తి నుంచి ఛత్‌ ప్రసాదాన్ని స్వీకరించాడు.

మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో నెటిజన్లు భిన్నంగా స్పందించారు. ఇదే నిజమైన సనాతన ధర్మమని ఒకరు పేర్కొన్నారు. అయితే భారత్‌లో మాత్రమే ఇలాంటివి జరుగుతాయని మరొకరు వ్యాఖ్యానించారు.