ఎన్నిక‌ల ప్ర‌చారాల్లో మాస్కులు త‌ప్ప‌నిస‌రి.. కేంద్రానికి హైకోర్టు నోటీసులు

న్యూఢిల్లీ: ఎన్నికల ప్ర‌చారాల్లో పాల్గొనే ప్ర‌తి ఒక్క‌రూ మాస్కులు త‌ప్ప‌నిసరిగా ధ‌రించాల్సిందిగా ఆదేశించాల‌ని కోరుతూ దాఖ‌లైన పిటిష‌న్‌పై ఢిల్లీ హైకోర్టు విచార‌ణ జ‌రిపింది. దీనిపై మీ స్పంద‌న తెల‌పాలంటూ కేంద్ర ప్ర‌భుత్వం, ఎన్నిక‌ల సంఘానికి హైకోర్టు నోటీసులు జారీ చేసింది. ప్ర‌స్తుతం వివిధ రాష్ట్రాలు, కేంద్ర పాలిత ప్రాంతాల్లో ఎన్నిక‌లు జ‌రుగుతున్న విష‌యం తెలిసిందే. ఈ పిటిష‌న్‌పై హైకోర్టు చీఫ్ జ‌స్టిస్ డీఎన్ ప‌టేల్‌, జ‌స్టిస్ జ‌స్మీత్ సింగ్ విచార‌ణ జ‌రిపారు. ఉత్త‌ర ప్ర‌దేశ్ మాజీ డీజీపీ విక్ర‌మ్ సింగ్ ఈ పిటిష‌న్ దాఖ‌లు చేశారు.

దీనిపై ఈ నెల 30న త‌దుప‌రి విచార‌ణ జ‌ర‌గ‌నుంది. కొవిడ్ మ‌హ‌మ్మారిని దృష్టిలో ఉంచుకొని ఎన్నిక‌ల సంఘం జారీ చేసిన నిబంధ‌న‌ల‌ను ప‌దే ప‌దే ఉల్లంఘిస్తున్న ప్ర‌చార‌కుల‌ను డీబార్ చేయాల‌ని పిటిష‌న్‌లో విక్ర‌మ్ సింగ్ కోరారు. ఎన్నిక‌ల ప్ర‌చారాల్లో అంద‌రూ త‌ప్ప‌నిస‌రిగా మాస్కులు ధ‌రించి, భౌతిక దూరం పాటించేలా ఎన్నిక‌ల సంఘం డిజిట‌ల్‌, ప్రింట్‌, ఎల‌క్ట్రానిక్ మీడియా ద్వారా అవ‌గాహ‌న క‌ల్పించాల‌ని కూడా ఆయ‌న కోరారు. మాస్కులు త‌ప్ప‌నిస‌రి చేస్తూ ఆదేశాలు జారీ చేసిన‌ప్పుడు ఎన్నిక‌ల ప్ర‌చారాల‌ను మాత్రం ఎందుకు మిన‌హాయించాల‌ని ఆయ‌న ప్ర‌శ్నించారు. కేంద్రం త‌ర‌ఫున నోటీసుల‌ను స్టాండింగ్ కౌన్సెల్ అనురాగ్ అహ్లూవాలియా స్వీక‌రించారు.

ఇవి కూడా చ‌ద‌వండి..

మ‌ధ్య‌ప్ర‌దేశ్‌లో 60 గంట‌ల పాటు లాక్‌డౌన్‌

గంట‌కు 140 కి.మీ. వేగం.. అందుకే టైగ‌ర్‌వుడ్స్ కారుకు ప్ర‌మాదం

మీ గొంతు విని క‌రోనా ఉందో లేదో చెప్పేసే యాప్‌

యురోపియ‌న్ క‌మిష‌న్‌ అధ్య‌క్షురాలికి ఘోర అవ‌మానం.. క‌నీసం కుర్చీ వేయ‌కుండా..

రాధే ఫ్యాన్స్‌కు బ్యాడ్‌న్యూస్‌.. రిలీజ్ ఇప్ప‌ట్లో లేన‌ట్లే అన్న స‌ల్మాన్‌

ఐపీఎల్ మ్యాచ్‌లు ఇక్క‌డ వ‌ద్దు.. మ‌హా సీఎంకు వాంఖ‌డే నివాసితుల లేఖ‌

భారత్ ప్ర‌యాణికుల‌పై న్యూజిలాండ్ నిషేధం

కోవిడ్ మూలాల గురించి మ‌ళ్లీ ద‌ర్యాప్తు చేప‌ట్టండి..