December 26 Tsunami | డిసెంబర్ 26.. ప్రకృతి ప్రకోపానికి నేటితో 19 ఏండ్లు
అంతా క్రిస్మస్ వేడుకల్లో మునిగిపోయారు. తెల్లారేసరికి ప్రకృతి ప్రకోపానికి 2.30 లక్షల మంది బలయ్యారు. సరిగా 19 ఏండ్ల క్రితం ఇదే రోజున ఇండోనేషియాలోని సుమత్రా దీవుల్లో 9.1 తీవ్రతతో భారీ భూకంపం వచ్చింది.
హైదరాబాద్: అంతా క్రిస్మస్ వేడుకల్లో మునిగిపోయారు. తెల్లారేసరికి ప్రకృతి ప్రకోపానికి 2.30 లక్షల మంది బలయ్యారు. సరిగా 19 ఏండ్ల క్రితం ఇదే రోజున (December 26) 2004లో ఇండోనేషియాలోని సుమత్రా దీవుల్లో 9.1 తీవ్రతతో భారీ భూకంపం వచ్చింది. దీని ప్రభావంతో హిందూమహా సముద్ర (Indian Ocean) గర్భంలో ఇండియా ప్లేట్, బర్మా ప్లేట్ల మధ్య ఘర్షణ ఏర్పడి 1000 కిలోమీటర్ల పొడవు, పది మీటర్ల లోతు మేర చీలిక ఏర్పడింది. దీంతో సముద్రంలో ఒక్కసారిగా నీరు ఉప్పొంగాయి. గంటల వ్యవధిలోనే తీరం వైపు దూసుకొచ్చిన శక్తిమంతమైన రాకాసి అలలు తీరప్రాంతాలను తమలో కలిపేసుకున్నాయి.
17.4 మీటర్ల మేర ఎగసిపడిన అలలు హిందూ మహాసముద్రంలోని 14 దేశాల తీరప్రాంతాలను కకావికలం చేశాయి. 5 వేల కిలోమీటర్లు ప్రయాణించిన సునామీ (Tsunami) అలలు ఆఫ్రికా తీరానికి కూడా తీవ్ర నష్టాన్ని కలగించాయి. భారత్, ఇండోనేషియా, శ్రీలంక, థాయ్లాండ్ సహా తొమ్మిది దేశాల్లో 2 లక్షల 30 వేలకుపైగా మందిని పొట్టన పెట్టుకున్నది. 18 లక్షల మంది నిరాశ్రయులు కాగా.. 50వేల మంది గల్లంతయ్యారు. భారత్లో సుమారు 10 వేల మందికి పైగా మరణించారు. అందులో అండమాన్ నికోబార్ దీవుల్లో 4 వేల మంది, తమిళనాడులో 4500 మంది మృతి చొప్పున ఉన్నారు. దీంతో ఇది మానవ చరిత్రలోనే అతిపెద్ద ప్రకృతి విలయాల్లో ఒకటిగా నిలిచిపోయింది.

హిరోషిమాపై అమెరికా ప్రయోగించిన అణు బాంబు కంటే 23,000 రెట్లు అధికమైన శక్తి ఈ సునామీ వల్ల విడుదలైందని యూఎస్ జియోలాజికల్ సర్వే (USGS) అప్పట్లో తేల్చింది. మొదట్లో భూకంప తీవ్రతను 8.8గా లెక్కించినప్పటికీ 2005లో 9.0కి సవరించారు. కానీ యూఎస్జీఎస్ మాత్రం 9.1గా అంచనా వేసింది. కానీ, 2006లో జరిపిన పరిశోధనల ప్రకారం భూకంప పరిమాణం 9.1 నుంచి 9.3 ఉంటుందని తేల్చారు.

Read Today's Latest National News in Telugu and Telugu News
RELATED ARTICLES
తాజా వార్తలు
Sweet Potato | రూ.20కే లభించే ఈ కూరగాయతో ఎంతో ఆరోగ్యం.. చలికాలంలో తప్పక తినాల్సిందే.. ఎందుకంటే..
Dasoju Shravan Kumar | ఆ రూ.300 కోట్లు గంగలో కలిసినయి.. ఇప్పుడు ఇంటర్ బోర్డు రద్దంటున్నడు : ఎమ్మెల్సీ దాసోజ్ శ్రవణ్ కుమార్
POCSO case | ప్రొద్దుటూరులో ప్రభుత్వ ఉపాధ్యాయుడిపై పోక్సో కేసు
Pre Diabetes | ప్రీ డయాబెటిస్ అంటే ఏమిటి.. ఈ దశ నుంచి ఎలా బయట పడాలి.. నిపుణులు ఏం చెబుతున్నారు..?
Disha Patani | సైకిల్ పక్కన దిశా పటానీ అందాల పోజులు.. లేటెస్ట్ ఫొటోలు వైరల్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

