గ్రౌండ్ నుంచి వెళ్లనందుకు పిల్లల మీదకు నాటు బాంబులు, కొందరికి గాయాలు
నాటు బాంబు పేలుడు శబ్దం విన్న స్థానికులు అక్కడకు చేరుకున్నారు. గాయపడిన ఐదుగురు బాలురను తొలుత స్థానిక ఆసుపత్రికి తరలించారు.
కోల్కతా: గ్రౌండ్ నుంచి వెళ్లనందుకు ఆడుకుంటున్న పిల్లల మీదకు నాటు బాంబులు విసిరారు. దీంతో ఐదుగురు బాలురు గాయపడ్డారు. పశ్చిమ బెంగాల్ నరేంద్రపూర్ పరిధిలోని దస్పరాలో ఈ సంఘటన జరిగింది. 12-13 ఏళ్ల వయసున్న పిల్లలు అక్కడి ఆట స్థలంలో ఫుట్బాల్ ఆడుతున్నారు. బాల్ ఒక మూలకు వెళ్లగా ఒక బాలుడు అక్కడకు వెళ్లాడు. అయితే అక్కడ నాటు బాంబులు ఉండటం చూసి మిగతా వారికి చెప్పాడు. దీంతో ఆ పిల్లలంతా అక్కడకు వచ్చి గుమిగూడి చూడసాగారు.
కాగా, ఆ నాటు బాంబులకు కాపలా ఉన్న కొందరు వ్యక్తులు ఆ పిల్లలను అక్కడి నుంచి వెళ్లిపోవాలని చెప్పారు. వారు వెళ్లకపోవడంతో ఆగ్రహించిన ఆ వ్యక్తులు రెండు నాటు బాంబులను వారి మీదకు విసిరారు. ఒకటి మిస్ కాగా, మరో నాటు బాంబు వారి సమీపంలో పేలింది. దీంతో ఐదుగురు పిల్లలు గాయపడ్డారు. అనంతరం ఆ వ్యక్తులు అక్కడి నుంచి పారిపోయారు.
మరోవైపు నాటు బాంబు పేలుడు శబ్దం విన్న స్థానికులు అక్కడకు చేరుకున్నారు. గాయపడిన ఐదుగురు బాలురను తొలుత స్థానిక ఆసుపత్రికి తరలించారు. అనంతరం పోలీసులు మెరుగైన వైద్యం కోసం ఆ పిల్లలను బఘజతిన్ హాస్పిటల్కు తరలించి చికిత్స అందిస్తున్నారు. స్వల్ప గాయాలయ్యాయని, వారు సేఫ్గానే ఉన్నారని చెప్పారు. ఈ సంఘటనకు సంబంధించి ఇప్పటి వరకు నలుగురు వ్యక్తులను అరెస్ట్ చేసినట్లు వెల్లడించారు.
కాగా, పశ్చిమ బెంగాల్లోని అధికార తృణమూల్ కాంగ్రెస్ (టీఎంసీ)కు చెందిన రెండు వర్గాల మధ్య పోరులో ఈ పిల్లలు గాయపడినట్లు తెలుస్తున్నది. ఒక వర్గం వద్ద ఉన్న నాటు బాంబులను ఈ పిల్లలపైకి విసిరినట్లు మరో వర్గం వారు ఆరోపించారు. అయితే టీఎంసీ నేత దీనిని ఖండించారు. తమ పార్టీపై చెడ్డ పేరు తెచ్చేందుకు కుట్ర చేస్తున్నారని విమర్శించారు. ఈ సంఘటనపై దర్యాప్తు చేసి నిందితులను అరెస్ట్ చేయాలని డిమాండ్ చేశారు.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

