Nirmala Sitharaman: ల‌క్ష కోట్ల‌తో యువ‌త కోసం కార్ప‌స్ ఫండ్‌

Nirmala Sitharaman: టెకీ యువ‌త‌కు రుణాలు ఇచ్చేందుకు సుమారు ల‌క్ష కోట్ల‌తో కార్ప‌స్ ఫండ్‌ను ఏర్పాటు చేస్తున్న‌ట్లు కేంద్ర ఆర్థిక మంత్రి నిర్మ‌లా సీతారామ‌న్ తెలిపారు. ఇవాళ పార్ల‌మెంట్‌లో బ‌డ్జెట్‌ను ప్ర‌వేశ‌పెడుతూ ఆమె ఈ విష‌యాన్ని వెల్ల‌డించారు. 50 ఏళ్ల పాటు వ‌డ్డీ లేకుండా ఆ రుణాలు ఇవ్వ‌నున్న‌ట్లు ఆమె చెప్పారు.

న్యూఢిల్లీ: దేశ యువ‌త కోసం కేంద్ర స‌ర్కార్ భారీ ప్ర‌క‌ట‌న చేసింది. సాంకేతిక రంగంలో దూసుకెళ్తున్న యువ‌త‌కు ఇది స్వ‌ర్ణ‌యుగం కానున్న‌ది. టెకీ యువ‌త‌కు రుణాలు ఇచ్చేందుకు సుమారు ల‌క్ష కోట్ల‌తో కార్ప‌స్ ఫండ్‌ను ఏర్పాటు చేస్తున్న‌ట్లు కేంద్ర ఆర్థిక మంత్రి నిర్మ‌లా సీతారామ‌న్(Nirmala Sitharaman) తెలిపారు. ఇవాళ పార్ల‌మెంట్‌లో బ‌డ్జెట్‌ను ప్ర‌వేశ‌పెడుతూ ఆమె ఈ విష‌యాన్ని వెల్ల‌డించారు. 50 ఏళ్ల పాటు వ‌డ్డీ లేకుండా ఆ రుణాలు ఇవ్వ‌నున్న‌ట్లు ఆమె చెప్పారు. సుదీర్ఘ కాలం ఫైనాన్సింగ్‌, రీ ఫైనాన్సింగ్ లో భాగంగా ఈ స్కీమ్‌ను చేప‌ట్ట‌నున్నారు.

For the youth, FM Sitharaman says, “For our tech-savvy youth, this will be a golden era. A corpus of Rs 1 lakh crore will be established with 50-year interest-free loan provided. It will be for long-term financing or re-financing with low or nil interest rates.” pic.twitter.com/Yw9o7B3yoU

— ANI (@ANI) February 1, 2024

మూడు ఆర్ధిక కారిడార్ల‌కు చెందిన కీల‌క ప్ర‌క‌ట‌న చేశారు. ఇంధ‌న‌, ఖ‌నిజ‌, సిమెంట్ రంగాల‌కు చెందిన ఓ కారిడార్‌ను రూపొందించ‌నున్న‌ట్లు మంత్రి చెప్పారు. హై ట్రాఫిక్ డెన్సిటీ కారిడార్‌ను కూడా డెవ‌ల‌ప్ చేయ‌నున్న‌ట్లు ఆమె వెల్ల‌డించారు. మ‌ల్టీ మోడ‌ల్ క‌నెక్టివిటీ కోసం పీఎం గ‌తి శ‌క్తి స్కీమ్‌ను బ‌లోపేతం చేస్తున్న‌ట్లు ఆమె చెప్పారు. ఆత్మ‌నిర్భ‌ర్ భార‌త్‌ను మ‌రింత బలోపేతం చేసేందుకు కొత్త స్కీమ్‌ను ప్ర‌క‌టించ‌నున్న‌ట్లు మంత్రి సీతారామ‌న్ తెలిపారు. కొత్త‌గా మూడు కోట్ల‌ మంది మ‌హిళ‌ల్ని ల‌క్షాధికారుల్ని చేయ‌డ‌మే త‌మ ప్ర‌భుత్వ టార్గెట్ అని ఆర్ధిక మంత్రి వెల్ల‌డించారు. దేశ‌వ్యాప్తంగా అయిదు స‌మీకృత ఆక్వా పార్క్‌ల‌ను ఏర్పాటు చేయ‌నున్న‌ట్లు ఆమె చెప్పారు. ప్ర‌పంచంలోనే పాల ఉత్ప‌త్తిలో ఇండియా టాప్ ప్లేస్‌లో నిలిచింద‌న్నారు.