PM Modi | అంతిమంగా ధరాఘాతమే.. ప్రధాని మోదీ ప్రసంగ సారాంశం ఇదేనా?!
PM Modi | విదేశాల నుంచి దిగుమతి అయ్యే వస్తువుల వాడకాన్ని తగ్గించుకోవాలంటూ ఆదివారం ప్రధాని మోదీ చేసిన సూచనలు.. అంతిమంగా దేశీయ విపణిలో వస్తూత్పత్తి ధరల పెరుగుదలకు కారణం కావొచ్చని ఆర్థిక నిపుణులు అంచనా వేస్తున్నారు.
PM Modi | (స్పెషల్ టాస్క్ బ్యూరో) హైదరాబాద్, మే 11 (నమస్తే తెలంగాణ): విదేశాల నుంచి దిగుమతి అయ్యే వస్తువుల వాడకాన్ని తగ్గించుకోవాలంటూ ఆదివారం ప్రధాని మోదీ చేసిన సూచనలు.. అంతిమంగా దేశీయ విపణిలో వస్తూత్పత్తి ధరల పెరుగుదలకు కారణం కావొచ్చని ఆర్థిక నిపుణులు అంచనా వేస్తున్నారు. విదేశీ దిగుమతులను తగ్గించేలా కేంద్రం చర్యలకు ఉపక్రమించడమే దీనికి కారణంగా చెప్తున్నారు. ఇదే జరిగితే, మొత్తంగా సామాన్యుడి జేబుకు చిల్లుపడటం ఖాయమని హెచ్చరిస్తున్నారు.
ఏం జరుగబోతుందంటే?
భారత్ ఏటా విదేశాల నుంచి 700 బిలియన్ డాలర్ల విలువైన వస్తువులను దిగుమతి చేసుకొంటున్నది. దేశంలోని సామాన్యుడు తన దైనందిన జీవితంలో వాడుకొంటున్న 70 శాతం వస్తువులు విదేశాల నుంచి దిగుమతి చేసుకొన్నవే. ఇందులో పెట్రోల్, వంటనూనె, ఎలక్ట్రానిక్ వస్తువులు, ఎరువులు, బంగారం ప్రధానమైనవి. వీటి చెల్లింపులను డాలర్లలోనే చేయాల్సి ఉండటంతో ఫారెక్స్ రిజర్వుల్లో క్షీణత కనిపిస్తున్నది. మోదీ ప్రభుత్వ హయాంలో రూపాయి విలువ రూ. 95 కంటే దిగువకు జారడంతో ఫారెక్స్ రిజర్వులు మరింతగా పడిపోతున్నాయి. ఈ క్రమంలోనే విదేశీ వస్తువులను వాడకూడదంటూ ప్రధాని మోదీ తాజాగా సూచించారు. అయితే, విదేశీ దిగుమతులపై ఆధారపడటాన్ని మానుకొని, స్వావలంబన సాధించే పరిస్థితి ఇప్పటికిప్పుడు లేదు. ఈ విషయాన్ని గుర్తించకుండా విదేశీ దిగుమతులను కేంద్రం తగ్గిస్తే.. దేశీయంగా ద్రవ్యోల్బణం కట్టలు తెంచుకొనే ప్రమాదం ఉంటుందని ఆర్థిక నిపుణులు హెచ్చరిస్తున్నారు.
బ్లాక్ మార్కెట్ దందా
విదేశీ దిగుమతులపై ఇప్పటికిప్పుడు కోత విధిస్తే.. దేశీయ విపణిలో డిమాండ్, సైప్లె మధ్య అంతరం పెరిగిపోతుందని నిపుణులు హెచ్చరిస్తున్నారు. ఫలితంగా వస్తూత్పత్తులకు కొరత ఏర్పడి డిమాండ్ అమాంతం పెరుగుతుందని, ఇదే అదునుగా బ్లాక్ మార్కెట్ దందా పెచ్చరిల్లుతుందని గుర్తు చేస్తున్నారు. అలా ప్రతీ వస్తువు ధర పెరిగి.. సామాన్యుడి జేబుకు చిల్లుపడుతుందని ఆందోళన వ్యక్తం చేస్తున్నారు. మరోవైపు, విదేశీ దిగుమతులను ఆధారంగా చేసుకొని లక్షల కోట్ల రూపాయల విలువైన పరిశ్రమలు కార్యకలాపాలు సాగిస్తున్నాయని నిపుణులు గుర్తు చేస్తున్నారు. వీటిపై ఆధారపడి 10 కోట్ల మంది ప్రత్యక్షంగా, పరోక్షంగా ఉపాధి పొందుతున్నారని చెప్తున్నారు. కేంద్రం ఒకవేళ విదేశీ దిగుమతులను నిలిపేస్తే, వీరి ఉపాధి కూడా గల్లంతయ్యే ప్రమాదం ఉన్నదని హెచ్చరిస్తున్నారు.
Read Today's Latest National News in Telugu and Telugu News
RELATED ARTICLES
తాజా వార్తలు
Cult OTT | 20 రోజులకే ఓటీటీలోకి వచ్చేసిన విశ్వక్ సేన్ ‘కల్ట్’.. స్ట్రీమింగ్ ఎందులో అంటే?
పోచంపల్లి బ్యాంక్కు జాతీయ అవార్డు
‘కాకతీయ సేవా సమితి సేవలు భావితరాలకు స్ఫూర్తిదాయకం’
PM Modi | దేశం పేదరికాన్ని జయించింది.. ఫిక్కీ వార్షిక సమావేశంలో ప్రధాని మోదీ..!
Ram Pothineni | మెన్స్ డే స్పెషల్.. ‘RAPO23’ ప్రీ-లుక్ వైరల్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

