క్రూడ్‌ ధర తగ్గినా.. పెట్రో మంట తగ్గలే

అంతర్జాతీయ మార్కెట్‌ల్లో బ్రెంట్‌ క్రూడ్‌ ఆయిల్‌ బ్యారల్‌ ధర ప్రస్తుతం ఏడు నెలల కనిష్టానికి పడిపోయింది. అయినా దేశంలో పెట్రోల్‌, డీజిల్‌ రేట్లను మాత్రం కంపెనీలు తగ్గించటం లేదు. గత ఫిబ్రవరిలో బ్యారల్‌ ధర 92.84 డాలర్లు ఉండగా, అది గత వారం 90 డాలర్ల దిగువకు పడిపోయింది

• 7 నెలల కనిష్టానికి క్రూడ్‌ ధర
• అయినా రేట్లు తగ్గించని కేంద్రం
• డీజిల్‌పై 512% పన్ను పెంపు
• పెట్రోల్‌పై 194 శాతం వడ్డింపు
• 8 ఏండ్లలో మోదీ సర్కారు ఘనత
• పీపీఏసీ గణాంకాలలో వెల్లడి

అంతర్జాతీయ మార్కెట్‌ల్లో బ్రెంట్‌ క్రూడ్‌ ఆయిల్‌ బ్యారల్‌ ధర ప్రస్తుతం ఏడు నెలల కనిష్టానికి పడిపోయింది. అయినా దేశంలో పెట్రోల్‌, డీజిల్‌ రేట్లను మాత్రం కంపెనీలు తగ్గించటం లేదు. గత ఫిబ్రవరిలో బ్యారల్‌ ధర 92.84 డాలర్లు ఉండగా, అది గత వారం 90 డాలర్ల దిగువకు పడిపోయింది. కానీ, కంపెనీలు రిటైల్‌ ధరలను తగ్గించకుండా లాభాలు స్వీకరిస్తున్నాయి.

న్యూఢిల్లీ, సెప్టెంబర్‌ 11: అచ్చే దిన్‌ అంటూ సచ్చే దినాలు తెచ్చిన కేంద్రంలోని నరేంద్రమోదీ ప్రభుత్వం.. పెట్రోల్‌, డీజిల్‌పై పన్నుల రూపంలో ప్రజలను ఎలా దోపిడీ చేస్తున్నదో మరోసారి బయటపడింది. 2014లో అధికారంలోకి వచ్చింది మొదలు ఏటా ఎక్సైజ్‌ పన్నులు పెంచుతూనే పోయిందని చమురు శాఖ పరిధిలోని పెట్రోలియం ప్లానింగ్‌ అండ్‌ అనాలిసిస్‌ సెల్‌ (పీపీఏసీ) లెక్కలే తేటతెల్లం చేశాయి. అంతర్జాతీయంగా ముడి చమురు ధరలు తగ్గినా మనదేశంలో పెట్రోల్‌, డీజిల్‌పై పన్నులు పెంచుతూనే ఉన్నారని తేలిసింది. ఈ ఎనిమిదేండ్లలో కేంద్రం పెట్రోల్‌పై 194 శాతం ఎక్సైజ్‌ పన్నును పెంచగా, డీజిల్‌పై ఏకంగా 512 శాతం పన్ను పెంచిందని పీపీఏసీ గణాంకాలు చెప్తున్నాయి.

పీపీఏసీ గణాంకాల ప్రకారం..

• 2014లో కేంద్రంలో బీజేపీ అధికారంలోకి వచ్చినప్పుడు ఎక్సైజ్‌ పన్ను పెట్రోల్‌ రూ.9.48, డీజిల్‌పై రూ.3.56 ఉన్నది.
• 2021-22లో పెట్రోల్‌పై ఎక్సైజ్‌ డ్యూటీ రూ.27.90 ఉన్నది. అంటే ఎనిమిదేండ్లలో 194 శాతం పెరిగింది. అలాగే డీజిల్‌పై 2021-22లో ఎక్సైజ్‌ పన్ను రూ.21.80 ఉన్నది. దీని ప్రకారం ఈ కాలంలో డీజిల్‌పై ఎక్సైజ్‌ పన్నును మోదీ సర్కారు ఏకంగా 512 శాతం పెంచింది. అంతర్జాతీయ మార్కెట్‌లో 2015-16 నుంచి 2021-22 మధ్యకాలంలో క్రూడ్‌ ఆయిల్‌ ధరలు బ్యారల్‌కు 80 డాలర్ల లోపే స్థిరంగా ఉన్నా పన్ను లు భారీగా పెరుగుతూ నే ఉండటం గమనా ర్హం. ఈ మధ్యకాలం లో క్రూడ్‌ ధర మూడుసార్లు 50 డాలర్ల దిగువకు పడిపోయింది. అయి నా కేంద్రం పెట్రోల్‌, డీజిల్‌ ధరలూ తగ్గించలేదు.. పన్నుల బా దుడూ ఆపలేదు. తగ్గిన ధరల ప్రయోజనాలు ప్రజలకు అందకుండా కేంద్రమే దోచేసింది.
• 2014-15లో క్రూడ్‌ ఆయిల్‌ బ్యారల్‌ ధర 84.16 డాలర్లు ఉండగా, 2015-16లో ఒకసారి 46 డాలర్లకు, ఆ తర్వాత ఏడాది ఒకసారి 47 డాలర్లకు పడిపోయింది. అంటే 2014-15తో పోల్చితే 2015-16, 2016-17 మధ్య క్రూడ్‌ ఆయిల్‌ ధర సగానికి సగం పడిపోయింది. అయినా మోదీ సర్కారు పన్నుల బాదుడు ఆపలేదు. క్రూడ్‌ ధరలు పడిపోయిన కాలంలో పెట్రోల్‌పై ఎక్సైజ్‌ డ్యూటీని రూ.17.48 నుంచి 21.48కి పెంచింది. డీజిల్‌పై రూ.10.26గా ఉన్న ఎక్సైజ్‌ పన్నును రూ.17.33కు పెంచింది.
• అంతర్జాతీయ మార్కెట్లో ముడి చమురు ధరలు తగ్గితే మన దేశంలో పెట్రోల్‌, డీజిల్‌ ధరలు కూడా తగ్గుతాయి. కానీ, పెట్రోల్‌, డీజిల్‌ రేట్లు తగ్గకూడదన్న కుట్రతో మోదీ సర్కారు వాటిపై పన్నులు పెంచుతూ పోయింది.
• 2015-17 మధ్య క్రూడ్‌ ఆయిల్‌ ధరలు 46-47 డాలర్ల మధ్యనే ఉన్నాయి. ఈ సమయంలో కేంద్రం ఎక్సైజ్‌ డ్యూటీని పెట్రోల్‌పై 22.9 శాతం, డీజిల్‌పై 68.47 శాతం పెంచింది. ఈ పన్నులు పెంచకుండా ఉంటే లీటర్‌ పెట్రోల్‌ వినియోగదారుడికి రూ.50-55 లోపే లభించేది.
• 2019-20లో 60.47 డాలర్లు ఉన్న బ్యారల్‌ క్రూడ్‌ ధర, 2020-21లో 44.82 డాలర్లకు పడిపోయింది. కరోనా విజృంభన వల్ల డిమాండ్‌ పడిపోవటంతో ఈ పరిస్థితి వచ్చింది. కానీ, మోదీ సర్కారు ఆ సమయంలో కూడా పన్నులు పెంచుతూనే ఉన్నది. కరోనా విజృంభన ప్రారంభంలో.. అంటే 2020 మార్చి 13న పెట్రోల్‌పై ఎక్సైజ్‌ డ్యూటీ రూ.19.98 ఉండగా, కరోనా దేశాన్ని అతలాకుతలం చేస్తున్న సమయంలో.. అంటే 2021 ఫిబ్రవరి 2 నాటికి ఆ పన్నును కేంద్రం రూ.32.90కు పెంచింది. అంటే కరోనాతో ప్రజలు తిండి దొరక్క పిట్టల్లా రాలిపోతుంటే.. కేంద్రం లీటర్‌ పెట్రోల్‌పై పన్నును ఏకంగా రూ.13 పెంచటం గమనార్హం. డీజిల్‌పై కూడా అదే పరిస్థితి. 2020 మార్చి 13న డీజిల్‌పై ఎక్సైజ్‌ డ్యూటీ రూ.15.83 ఉండగా, 2021 ఫిబ్రవరి 2 నాటికి రూ.31.80కు పెంచింది. అంటే ఏడాది వ్యవధిలోనే డీజిల్‌పై ఎక్సైజ్‌ పన్నును రూ.16 పెంచింది.
• 2014-15 నుంచి 2021-22 మధ్య కాలంలో పెట్రోల్‌, డీజిల్‌పై కేంద్ర ప్రభుత్వానికి లెవీ రూపంలో వచ్చే ఆదాయం 186 శాతం పెరిగింది.
• 2014-15లో పెట్రోల్‌, డీజిల్‌పై కేంద్రానికి లెవీ రూపంలో రూ.1,72,065 కోట్ల ఆదాయం రాగా, 2021-22లో రూ.4,92,303 కోట్లకు పెరిగింది.
• పెట్రోల్‌, డీజిల్‌పై లెవీని పెంచటంతో కేంద్రానికి ఆదాయం భారీగా పెరిగింది.