శరీరాలు ముక్కలై గాల్లో ఎగిరాయి!
దేశ రాజధాని ఢిల్లీలోని రెడ్ ఫోర్ట్(లాల్ ఖిలా) మెట్రో స్టేషన్ గేట్ నంబర్ 1 సమీపంలో సోమవారం సాయంత్రం కారులో జరిగిన పేలుడు తీవ్రతకు సమీపంలోని ఉన్న కార్లు, ద్విచక్రవాహనాలు, ఆటోలు సైతం పూర్తిగా దగ్ధమైనట్లు ప్రత్యక్ష సాక్షులు తెలిపారు.
- భీతావహ దృశ్యాలపై ప్రత్యక్ష సాక్షుల కథనాలు
న్యూఢిల్లీ: దేశ రాజధాని ఢిల్లీలోని రెడ్ ఫోర్ట్(లాల్ ఖిలా) మెట్రో స్టేషన్ గేట్ నంబర్ 1 సమీపంలో సోమవారం సాయంత్రం కారులో జరిగిన పేలుడు తీవ్రతకు సమీపంలోని ఉన్న కార్లు, ద్విచక్రవాహనాలు, ఆటోలు సైతం పూర్తిగా దగ్ధమైనట్లు ప్రత్యక్ష సాక్షులు తెలిపారు. తన కళ్ల ముందే ముక్కలైన శరీర భాగాలు గాలిలో ఎగిరి రోడ్డుపై పడ్డాయని ఓ ప్రత్యక్ష సాక్షి వివరించారు. పేలుడు శబ్దానికి తన చెవులు కొన్ని నిమిషాలపాటు మూసుకుపోయాయని వణుకుతున్న స్వరంతో ఆ వ్యక్తి తెలిపాడు. ఓ వ్యక్తి శరీరం తునాతునకలైపోయింది. తెగిపోయి పడి ఉన్న ఓ చేతిని రోడ్డుపై చూశాను. ఆ భయానక దృశ్యాన్ని మాటలతో వర్ణించలేను. ఇది మాత్రం చాలా భయంకరమైన పేలుడు అని మరో ప్రత్యక్ష సాక్షి వివరించాడు.
ప్రాణం కోసం పరుగులు తీశాం
పేలుడు తీవ్రత ఎంత భారీగా ఉందంటే నా కళ్ల ముందు భూమి కుంగిపోయి నేను మరణిస్తున్నట్లు అనిపించిందని ఓ ప్రత్యక్ష సాక్షి తెలిపాడు. పేలుడు ధాటికి వీధి దీపాలు పేలిపోయి సమీపంలోని కార్లు, ఇతర వాహనాలకు నిప్పంటుకుందని ఆ వ్యక్తి చెప్పాడు. పేలుడు శబ్దం విని నేను పరిగెత్తాను. నాతోపాటే ఇతరులు కూడా పరుగెత్తారు. పరిగెత్తుతూ మూడుసార్లు కింద పడ్డాను. తమను తాను కాపాడుకునేందుకు పరుగులు పెట్టిన వారు ఒకరిపైన మరొకరు పడిపోయారు. రెండో పేలుడు సంభవిస్తే మేమంతా మరణించడం ఖాయమని అనుకున్నాను అని ఓ ప్రత్యక్ష సాక్షి చెప్పాడు.
నా జీవితంలో అంత శబ్దం వినలేదు..
తన జీవితంలో అంతటి భారీ శబ్దం వినలేదని పేలుడు జరిగిన సమయంలో సమీపంలోనే ఉన్న ఓ దుకాణదారుడు తెలిపాడు. పేలుడు జరిగిన సమయంలో తన దుకాణంలో కుర్చీలో కూర్చుని ఉన్నానని, పేలుడు తీవ్రతకు కుర్చీలో నుంచి కింద పడ్డానని ఆ దుకాణదారుడు చెప్పాడు. భూమి ముక్కలైపోతోందేమని భయపడిపోయానని, షాపు నుంచి బయటకు పరుగెత్తానని ఆయన తెలిపాడు. తనతోపాటే అనేక కుటుంబాలు కూడా పరుగులు తీశాయని, ఇంకో పేలుడు జరుగుతుందేమోనన్న భయంతో తామంతా పరుగులు పెట్టామని ఆ సాక్షి తెలిపాడు. పేలుడు తీవ్రతను బట్టి డజన్ల సంఖ్యలో మరణాలు సంభవించే అవకాశం ఉందని మరో ప్రత్యక్ష సాక్షి చెప్పాడు.
భవనాలు సైతం కంపించాయి..
పేలుడు తీవ్రతకు సమీపంలోని అనేక భవనాలు, వాటి కిటికీలు భూకంపం వచ్చినట్లుగా కంపించిపోయాయని ఓ ప్రత్యక్ష సాక్షి చెప్పాడు. జామా మసీదుకు 1.1 కిలోమీటర్లు, గురుద్వారా సిస్ గంజ్ సాహిబ్ నుంచి కొన్ని వందల మీటర్ల దూరంలో ఉన్న లాల్ ఖిలా మెట్రో స్టేషన్ పరిసరాలు నిత్యం పర్యాటకులతో రద్దీగా ఉంటాయి. అయితే సోమవారం పర్యాటక ప్రదేశాలకు, మార్కెట్కు సెలవు కావడంతో జనసమ్మర్దం అంతగా లేదని ఓ ప్రత్యక్ష సాక్షి చెప్పాడు. అంతా హఠాత్తుగా జరిగిపోయిందని, పేలుడు ఒక కారులోనే జరిగినట్లు తనకు కనిపించలేదని ఆ వ్యక్తి తెలిపాడు.
Read Today's Latest National News in Telugu and Telugu News
RELATED ARTICLES
తాజా వార్తలు
Health tips | పొట్టకింది కొవ్వుతో ఇబ్బందిగా ఉందా.. అయితే ఆ కొవ్వును తగ్గించే సింపుల్ టిప్స్ మీ కోసం..!
Bihar MLA Anant Singh | కుమార్తె పెళ్లి సందర్భంగా గుర్రపు పోటీలు.. విజేతకు ‘థార్’ బహుకరించనున్న ఎమ్మెల్యే
Harihara Putra | అయ్యప్ప భక్తి నేపథ్యంలో వైభవ్ ‘హరిహర పుత్ర’.. ఆకట్టుకుంటున్న టీజర్!
Komatireddy Rajagopal Reddy | ఖబడ్దార్ బిడ్డా యుద్దం స్టార్ట్ అయితది.. రేవంత్ రెడ్డికి ఎమ్మెల్యే కోమటిరెడ్డి రాజగోపాల్ రెడ్డి మాస్ వార్నింగ్
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

