Apps:
Follow us on:
Home National Bjp Mla Distributes Swords Among Girls In Bihar Says Act Against Evildoers

BJP MLA Distributes Swords | ‘దుర్మార్గుల చేతులు నరకండి’.. బాలికలకు కత్తులు పంపిణీ చేసిన బీజేపీ ఎమ్మెల్యే

BJP MLA Distributes Swords | అమ్మాయిలను తాకిన దుర్మార్గుల చేతులు నరకాలని బీజేపీ ఎమ్మెల్యే పిలుపునిచ్చారు. విజయదశమి సందర్భంగా బాలికలకు కత్తులను ఆయన పంపిణీ చేశారు. అలాగే పలు దుర్గా పూజా మండపాల వద్ద కూడా కత్తులను పంచారు.

BJP MLA Distributes Swords | ‘దుర్మార్గుల చేతులు నరకండి’.. బాలికలకు కత్తులు పంపిణీ చేసిన బీజేపీ ఎమ్మెల్యే

పాట్నా: అమ్మాయిలను తాకిన దుర్మార్గుల చేతులు నరకాలని బీజేపీ ఎమ్మెల్యే పిలుపునిచ్చారు. విజయదశమి సందర్భంగా బాలికలకు కత్తులను ఆయన పంపిణీ చేశారు. (BJP MLA Distributes Swords ) అలాగే పలు దుర్గా పూజా మండపాల వద్ద కూడా కత్తులను పంచారు. బీహార్‌లోని సీతామర్హి జిల్లాలో ఈ సంఘటన జరిగింది. శనివారం విజయదశమి వేడుకల సందర్భంగా సీతామర్హి నియోజకవర్గం బీజేపీ ఎమ్మెల్యే మిథిలేష్ కుమార్ ఒక దుర్గా మాతా పూజా మండపం వద్ద ఆయుధాలు, గన్స్‌, కత్తులకు ఆయుధ పూజ నిర్వహించారు. ఈ సందర్భంగా కాలేజీ, స్కూల్‌ బాలికలకు కత్తులను ఆయన పంపిణీ చేశారు.

కాగా, ఎవరైనా దుర్మార్గులు మన సోదరీమణులను తాకడానికి ధైర్యం చేస్తే వారి చేతులను ఈ కత్తితో నరకాలని బీజేపీ ఎమ్మెల్యే మిథిలేష్ కుమార్ పిలుపునిచ్చారు. ‘దుర్మార్గుల చేతులు నరికే సామర్థ్యాన్ని మన సోదరీమణులు కలిగి ఉండాలి. అవసరమైతే, నేను, మీరంతా దీనిని చేయాలి. మన సోదరీమణులపై చెడు ఉద్దేశం ఉన్న దుర్మార్గులందరినీ నాశనం చేయాలి’ అని అన్నారు. ఈ దిశగా తాను చేస్తున్న చొరవకు ప్రజలు మద్దతు ఇవ్వాలని, మహిళలను ప్రోత్సహించాలని ఆయన కోరారు.

మరోవైపు నవరాత్రుల సందర్భంగా పలు దుర్గా మాతా పూజా మండపాలను బీజేపీ ఎమ్మెల్యే మిథిలేష్ కుమార్ సందర్శించారు. రామాయణం పుస్తకంతోపాటు కత్తులను పలువురికి పంపిణీ చేశారు. ఈ వీడియో క్లిప్స్‌ సోషల్‌ మీడియాలో వైరల్‌ అయ్యాయి. దీంతో బీజేపీ ఎమ్మెల్యే తీరుపై విమర్శలు వెల్లువెత్తాయి.

 

Join Our Whatsapp Channel

Read Today's Latest National News in Telugu and Telugu News

RELATED ARTICLES

తాజా వార్తలు

ట్రెండింగ్ వార్తలు