‘బార్‌’ వ్యతిరేకతతోనే అడ్‌హక్‌ జడ్జిల నియామకాలకు బ్రేక్‌

హైకోర్టుల్లో పేరుకుపోయిన పెండింగ్‌ కేసుల పరిష్కారానికి రిటైర్డ్‌ న్యాయమూర్తులను తాత్కాలిక జడ్జిలుగా నియమించే ప్రణాళిక వివిధ బార్‌ అసోసియేషన్ల నుంచి వచ్చిన వ్యతిరేకత కారణంగా నిలిచిపోయినట్టు భారత ప్రధాన న్యాయమూర్తి సూర్యకాంత్‌ గురువారం తెలిపారు. ఈ పద్ధతిని పునరుద్ధరించాలని కోర్టు ఆశించినప్పటికీ దీనికి వ్యతిరేకంగా బార్‌ అసోసియేషన్లు తీర్మానాలు చేశాయని చెప్పారు.

న్యూఢిల్లీ: హైకోర్టుల్లో పేరుకుపోయిన పెండింగ్‌ కేసుల పరిష్కారానికి రిటైర్డ్‌ న్యాయమూర్తులను తాత్కాలిక జడ్జిలుగా నియమించే ప్రణాళిక వివిధ బార్‌ అసోసియేషన్ల నుంచి వచ్చిన వ్యతిరేకత కారణంగా నిలిచిపోయినట్టు భారత ప్రధాన న్యాయమూర్తి సూర్యకాంత్‌ గురువారం తెలిపారు. ఈ పద్ధతిని పునరుద్ధరించాలని కోర్టు ఆశించినప్పటికీ దీనికి వ్యతిరేకంగా బార్‌ అసోసియేషన్లు తీర్మానాలు చేశాయని చెప్పారు. రాజస్థాన్‌లోని న్యాయాధికారుల సీనియారిటీకి సంబంధించిన కేసు విచారణ సందర్భంగా సీజేఐ ఈ విషయాన్ని వెల్లడించారు.