MM Naravane: జమ్ములో ఆర్మీ చీఫ్‌ జనరల్‌ నరవణె పర్యటన

MM Naravane : భారత ఆర్మీ చీఫ్ జనరల్ ఎంఎం నరవణే జమ్ముకశ్మీర్‌ చేరుకున్నారు. జమ్ము డివిజన్‌లో ఆయనకు ఆర్మీ అధికారులు ఘన స్వాగతం పలికారు. జమ్ము డివిజన్‌లో...

October 18, 2021 / 07:08 PM IST

MM Naravane: జమ్ములో ఆర్మీ చీఫ్‌ జనరల్‌ నరవణె పర్యటన

(MM Naravane) శ్రీనగర్‌ : భారత ఆర్మీ చీఫ్ జనరల్ ఎంఎం నరవణే జమ్ముకశ్మీర్‌ చేరుకున్నారు. జమ్ము డివిజన్‌లో ఆయనకు ఆర్మీ అధికారులు ఘన స్వాగతం పలికారు. జమ్ము డివిజన్‌లో ఆయన రెండు రోజులపాటు పర్యటించనున్నారు. నియంత్రణ రేఖ వెంబడి ఉన్న ప్రాంతాలను కూడా ఆయన సందర్శించనున్నారు. రాజౌరీలో ప్రస్తుత పరిస్థితి గురించి అధికారులతో సమాలోచనలు జరుపుతారు.

రెండు రోజుల పర్యటన నిమిత్తం ఆర్మీ చీఫ్‌ జనరల్ నరవణె జమ్ము డివిజన్‌లోని రాజౌరి జిల్లాకు చేరుకున్నారు. ప్రస్తుత పరిస్థితులపై ఆయన ఆర్మీ అధికారులతో చర్చిస్తున్నారు. నియంత్రణ రేఖకు సమీపంలోని ఫార్వర్డ్ ఏరియాలను కూడా ఆయన సందర్శించనున్నారు. అక్కడ జరుగుతున్న కార్యకలాపాల గురించి ఆర్మీ ఉన్నతాధికారుల ద్వారా తెలుసుకోనున్నారు. జమ్ము ప్రాంతంలో నరవణె పర్యటన చాలా ముఖ్యమైనదిగా భావిస్తున్నారు.

ప్రస్తుతం రాజౌరి, పూంచ్ సరిహద్దు ప్రాంతాలలో పరిస్థితి చాలా సున్నితంగా, ఉద్రిక్తంగా ఉన్నది. సరిహద్దు దాటి పాకిస్తాన్ వైపు నుంచి ఉగ్రవాదులు చొరబడ్డారన్న సమాచారం మేరకు సైన్యం, పోలీసు సిబ్బంది వారం రోజులుగా దట్టమైన అడవుల్లో ఉగ్రవాదుల కోసం వెతుకుతున్నారు. ఇప్పటి వరకు ఇద్దరు జూనియర్‌ కమాండెంట్ అధికారులతో పాటు తొమ్మిది మంది జవాన్లు వీరమరణం పొందారు. సరిహద్దు ప్రక్కనే ఉన్న అడవుల్లో సెర్చ్ ఆపరేషన్ ఇంకా కొనసాగుతున్నది. అక్టోబర్‌ 1 వ తేదీన నరవణె లఢఖ్‌ సెక్టార్‌లో రెండు రోజుల పాటు పర్యటించారు.