Visit:
MLC Kavitha | మహిళా ఉద్యోగుల నెలసరి దినాలు వేతనంతో కూడిన సెలవుగా ఇవ్వాలన్న ప్రతిపాదనను కేంద్ర మహిళా, శిశు సంక్షేమ శాఖ మంత్రి స్మృతీ ఇరానీ (Smriti Irani) వ్యతిరేకించడంపై బీఆర్‌ఎస్‌ ఎమ్మెల్సీ కవిత (MLC Kavitha ) స్పందించారు. ఆ ప్రతిపాదనను కేంద్ర మంత్రి వ్యతిరేకించడంపట్ల కవిత అసహనం వ్యక్తం చేశారు. ఓ మహిళగా ఆమె అలాంటి వ్యాఖ్యలు చేయడం సరికాదన్నారు. స్వయంగా కేంద్ర మహిళ, శిశు సంక్షేమ శాఖ మంత్రే రాజ్యసభ సాక్షిగా రుతుక్రమ పోరాటాలను కొట్టిపారేయడం నిరుత్సాహం కలిగించిందని పేర్కొన్నారు. ఈ మేరకు ప్రముఖ సోషల్‌ మీడియా ప్లాట్‌ఫామ్‌ ఎక్స్‌ వేదికగా పోస్ట్‌ పెట్టారు.
‘రాజ్యసభలో రుతుక్రమ పోరాటాలను కేంద్ర మహిళా, శిశు అభివృద్ధి శాఖ మంత్రి స్మృతి ఇరానీ జీ కొట్టిపారేయడం విచారం కలిగించింది. ఒక మహిళగా అటువంటి అజ్ఞానాన్ని చూడటం భయంకరంగా అనిపిస్తోంది. నెలసరి మనకున్న ఎంపిక కాదు. అదొక సహజమైన జీవ ప్రక్రియ అని గుర్తించాలి. వేతనంతో కూడిన సెలవు అక్కర్లేదని తిరస్కరించడమంటే అసంఖ్యాకమైన స్త్రీలు అనుభవించే నిజమైన బాధను విస్మరించినట్టే. మహిళలు ఎదుర్కొంటున్న వాస్తవికమైన సవాళ్ల పట్ల సానుభూతి చూపకపోవడం ఒక మహిళగా విస్తుగొల్పుతోంది. విధాన రూపకల్పనకు, వాస్తవికతకు మధ్య ఉన్న అంతరాన్ని తగ్గించాల్సిన సమయం ఇది’ అని తన అభిప్రాయాన్ని సోషల్‌ మీడియా ద్వారా వ్యక్తపరిచారు.
Disheartened by the Union Minister of Women and Child Development Smriti Irani Ji’s dismissal of menstrual struggles in Rajya Sabha. As a woman, it’s appalling to see such ignorance, for our struggles, our journeys isn’t a consolation, it deserves a level playing field and that’s… pic.twitter.com/vj9wbb0A4f
— Kavitha Kalvakuntla (@RaoKavitha) December 15, 2023
కాగా, రాజ్యసభలో బుధవారం ఎంపీ మనోజ్‌ కుమార్‌ ఝా అడిగిన ప్రశ్నకు స్మృతీ ఇరానీ సమాధానం ఇస్తూ మహిళల్లో నెలసరి అనేది జీవన గమనంలో సహజంగా జరిగే ఒక ప్రక్రియ అని, దానికి వైకల్యంగా భావించి సెలవు వంటి సౌకర్యం కల్పించలేమని అన్నారు. అంతేకాకుండా ఈ నెలసరి సెలవు వల్ల మహిళల పనిప్రదేశంలో వివక్షకు దారితీసే అవకాశం కూడా ఉందని ఆమె అభిప్రాయపడ్డారు. అయితే నెలసరి సమయంలో శుభ్రత పాటించాల్సిన అవసరం ఉందని అంగీకరించిన ఆమె, దీనిపై ఆరోగ్య శాఖ ఒక ముసాయిదా తీర్మానాన్ని ఆమోదించిందని చెప్పారు. నెలసరి సమయంలో పాటించాల్సిన శుభ్రత, తీసుకోవాల్సిన జాగ్రత్తలపై దేశవ్యాప్తంగా ప్రచారం నిర్వహిస్తామన్నారు. నెలసరి కాలాన్ని మహిళలకు వేతనంతో కూడిన సెలవు దినంగా ప్రకటించాలన్న ప్రతిపాదనేదీ కేంద్రం వద్ద పరిశీలనలో లేదని మంత్రి స్మృతీ ఇరానీ స్పష్టం చేశారు.
Also Read..
Governor | ప్ర‌జ‌ల‌కు ఇచ్చిన హామీలు నెర‌వేరాల‌ని కోరుతున్నా : గ‌వ‌ర్న‌ర్ త‌మిళిసై
Siddipet | భార్యా, పిల్లలను తుపాకీతో కాల్చి.. కలెక్టర్‌ గన్‌మెన్‌ ఆత్మహత్య
Sabarimala Temple | అయ్యప్ప భక్తులతో కిక్కిరిసిన శబరిమల.. కిలోమీటర్ల కొద్దీ క్యూలైన్స్‌
