కేంద్ర ఉద్యోగుల డీఏ 4% పెంపు

ఐదు రాష్ర్టాల అసెంబ్లీ ఎన్నికలను దృష్టిలో పెట్టుకొని కరువు భత్యం, యాసంగి పంటల కనీస మద్దతు ధరలను పెంచుతూ మోదీ సర్కార్‌ కీలక నిర్ణయం తీసుకుంది. కేంద్ర ఉద్యోగులు, పెన్షనర్ల కరువు భత్యాన్ని 4 శాతం పెంచుతున్నట్టు ప్రకటించింది.

• ఈ ఏడాది జూలై 1 నుంచి వర్తింపు
• రైల్వే ఉద్యోగులకు 78 రోజుల వేతనం బోనస్‌
• యాసంగిలో 6 పంటలకు కనీస మద్దతు ధరల పెంపు
• కేంద్ర మంత్రివర్గం కీలక నిర్ణయాలు

న్యూఢిల్లీ: ఐదు రాష్ర్టాల అసెంబ్లీ ఎన్నికలను దృష్టిలో పెట్టుకొని కరువు భత్యం, యాసంగి పంటల కనీస మద్దతు ధరలను పెంచుతూ మోదీ సర్కార్‌ కీలక నిర్ణయం తీసుకుంది. కేంద్ర ఉద్యోగులు, పెన్షనర్ల కరువు భత్యాన్ని 4 శాతం పెంచుతున్నట్టు ప్రకటించింది. బుధవారం ప్రధాని మోదీ నేతృత్వంలో జరిగిన కేంద్ర ఆర్థిక వ్యవహారాల కమిటీ సమావేశం 7వ వేతన కమిషన్‌ సిఫారసులకు ఆమోదం తెలిపింది. 42 శాతంగా ఉన్న ప్రస్తుత డీఏ 46 శాతానికి పెరుగుతుందని కేంద్ర మంత్రి అనురాగ్‌ ఠాకూర్‌ మీడియాకు వెల్లడించారు. పెరిగిన డీఏ ఈ ఏడాది జూలై 1 నుంచే వర్తిస్తుందని, తద్వారా 48.67 లక్షల మంది ఉద్యోగులు, 67.95 లక్షల మంది పెన్షనర్లకు లబ్ది చేకూరుతుందని తెలిపారు. 2024-25 మార్కెటింగ్‌ సీజన్‌కు సంబంధించి యాసంగిలో 6 పంటలకు కనీస మద్దతు ధర పెంచుతున్నట్టు కేంద్రం తెలిపింది.

రైల్వే ఉద్యోగులకు 78 రోజుల బోనస్‌

• 78 రోజులకు సమానమైన వేతనాన్ని రైల్వే ఉద్యోగులకు బోనస్‌గా చెల్లించనున్నుట్టు కేంద్ర మంత్రి తెలిపారు.
• గోధుమ మద్దతు ధర రూ.150 పెంపు
• గోధమలను అధికంగా పండించే రాష్ర్టాల్లో ఎన్నికలు జరుగనుండటంతో గోధుమల కనీస మద్దతు ధరను పెంచడానికి కేంద్రం
• సిద్ధమైంది. క్వింటాల్‌ గోధుమ కనీస మద్దతు ధరను రూ.150 చొప్పున పెంచి, రూ.2,275గా నిర్ణయించింది.