Bihar Polls | బీహార్‌ ఎన్నికల్లో కొత్తగా 17 సంస్కరణలు.. అవేంటంటే..?

Bihar Polls | బీహార్‌ అసెంబ్లీ ఎన్నికల (Bihar Polls) వేళ కేంద్ర ఎన్నికల సంఘం కీలక సంస్కరణలకు శ్రీకారం చుట్టింది. కొత్తగా 17 సంస్కరణలు తీసుకువస్తున్నట్టు (17 New Initiatives) ప్రధాన ఎన్నికల అధికారి జ్ఞానేశ్ కుమార్ (Gyanesh Kumar) ప్రకటించిన విషయం తెలిసిందే.

October 6, 2025 / 05:32 PM IST

Bihar Polls | బీహార్‌ ఎన్నికల్లో కొత్తగా 17 సంస్కరణలు.. అవేంటంటే..?

Bihar Polls | బీహార్‌ అసెంబ్లీ ఎన్నికల (Bihar Polls) వేళ కేంద్ర ఎన్నికల సంఘం కీలక సంస్కరణలకు శ్రీకారం చుట్టింది. కొత్తగా 17 సంస్కరణలు తీసుకువస్తున్నట్టు (17 New Initiatives) ప్రధాన ఎన్నికల అధికారి జ్ఞానేశ్ కుమార్ (Gyanesh Kumar) ప్రకటించిన విషయం తెలిసిందే. వీటిలో కొన్ని ఎన్నికల నిర్వహణకు సంబంధించినవి కాగా, మరికొన్ని కౌంటింగ్‌కు సంబంధించినవి. భవిష్యత్‌లో వీటిని దేశవ్యాప్తంగా అమలు చేస్తామని ప్రకటించారు. గతంతో పోలిస్తే ఓటర్ జాబితాను మరింత సులభం చేసినట్లు వివరించారు. ఎన్నికలను మరింత పారదర్శకంగా, సులభంగా నిర్వహిస్తున్నామని పేర్కొన్నారు.

ఓటర్ రిజిస్ట్రేషన్ జరిగిన 15 రోజుల్లో ‘ఎపిక్’ (ఎలక్ట్రో ఫోటో ఐడెంటిటీ కార్డులు) డెలివరీ చేయాలి.
ఇకపై ఏ పోలింగ్‌ కేంద్రంలోనూ 1,200 మందికి మించి ఓటర్లు ఉండరు. ప్రస్తుతం 1,500 మంది ఓటర్లు ఉంటున్నారు.
బీహార్‌ ఎన్నికలను ఈ సారి రెండు దశల్లోనే పూర్తి చేయనున్నారు.. గతంలో మూడు విడతల్లో పోలింగ్‌ జరిగింది.
ఈవీఎంలలో పొందుపరిచే బ్యాలెట్ పేపర్లలో అభ్యర్థుల కలర్ ఫోటోలను ఉంచనున్నారు.
సీరియల్ నెంబర్ కూడా పెద్దగా కనిపించేలా ఏర్పాట్లు.
ఈసారి బూత్ స్థాయి అధికారులకు అధికారిక ఐడీ కార్డులు.. వారిని గుర్తించడం తేలికవుతుంది.
రాష్ట్రంలోని ప్రతి పోలింగ్ బూత్‌ వద్ద మొబైల్ ఫోన్లు డిపాజిట్ చేసే సౌకర్యం.
ఎన్నికల ప్రక్రియకు మరింత పారదర్శకత కల్పిస్తూ అన్ని పోలింగ్ స్టేషన్లలోనూ వెబ్‌కాస్టింగ్ కవరేజ్ ఉంటుంది.
పోలింగ్ స్టేషన్లలో 100% వెబ్‌కాస్టింగ్
ఈసీఐనెట్ యాప్ ద్వారా ఎప్పటిక‌ప్పుడు ఎన్నిక‌ల స‌ర‌ళి గురించి అప్‌డేట్.. ఓటింగ్ జ‌రుగుతున్న స‌మ‌యంలో ప్రతి రెండు గంట‌ల‌కు ఒక‌సారి ఈ యాప్‌లో ఓటింగ్ డేటా అప్‌డేట్ అవుతుంది.
ఓట‌ర్ ఇన్ఫర్మేష‌న్ స్లిప్‌ల‌ను కొత్తగా ఇవ్వనున్నారు. ఆ స్లిప్స్‌పై ఓట‌రు ఐడీ నెంబ‌ర్ స్పష్టంగా క‌నిపిస్తుంది.
అభ్యర్థులను పోలింగ్‌ స్టేషన్ల నుంచి 100 మీటర్ల దూరం వరకే అనుమతిస్తారు.
చివరి రెండు రౌండ్ల EVM లెక్కింపుకు ముందు పోస్టల్ బ్యాలెట్ల లెక్కింపును తప్పనిసరి చేశారు. దీంతో ఫలితాల పారదర్శకత మరింత పెరుగుతుంది.
ఈవీఎం డేటా సరిపోలడం లేదంటూ ఫిర్యాదులు వచ్చినప్పుడు వీవీప్యాట్‌ స్లిప్పులను తప్పనిసరిగా వెరిఫై చేయడం.. వంటి సంస్కరణలు తీసుకొస్తున్నట్లు ఈసీ ప్రకటించారు.