Ramagiri : ‘కేసీఆర్ ఆమరణ నిరాహార దీక్షతో మలుపుతిరిగిన తెలంగాణ ఉద్యమం’

సబ్బండ వర్గాల పోరాటం, వేలాది మంది విద్యార్థుల త్యాగం, ముఖ్యంగా కేసీఆర్ ఆమరణ నిరాహార దీక్షతో ఢిల్లీ పాలకవర్గం కదిలి తెలంగాణ రాష్ట్ర ఏర్పాటుకు ప్రక్రియ ప్రారంభించిన రోజుకు నేటితో 16 ఏళ్లు పూర్తయ్యాయి. ఈ సందర్భంగా న‌ల్ల‌గొండ‌లోని మహాత్మాగాంధీ విశ్వవిద్యాలయం..

రామ‌గిరి, డిసెంబ‌ర్ 09 : సబ్బండ వర్గాల పోరాటం, వేలాది మంది విద్యార్థుల త్యాగం, ముఖ్యంగా కేసీఆర్ ఆమరణ నిరాహార దీక్షతో ఢిల్లీ పాలకవర్గం కదిలి తెలంగాణ రాష్ట్ర ఏర్పాటుకు ప్రక్రియ ప్రారంభించిన రోజుకు నేటితో 16 ఏళ్లు పూర్తయ్యాయి. ఈ సందర్భంగా న‌ల్ల‌గొండ‌లోని మహాత్మాగాంధీ విశ్వవిద్యాలయం ఆర్ట్స్ కాలేజీ ఆవ‌ర‌ణ‌లో డాక్టర్ అంబేద్కర్ చిత్రపటానికి పూలమాలలు వేసి బీఆర్ఎస్‌వీ నేతలు ఘన నివాళులు అర్పించారు. ఈ సందర్భంగా బీఆర్ఎస్‌వీ వ‌ర్సిటీ అధ్యక్షుడు వాడపల్లి నవీన్ మాట్లాడుతూ.. కేసీఆర్ ఒక్క పిలుపుతో రాష్ట్రంలోని అన్ని విశ్వవిద్యాలయాల్లో విద్యార్థి శక్తి ఉద్యమాన్ని ఉర్రూతలూగించింద‌న్నారు. తెలంగాణ ఉద్యమంలో విద్యార్థులే ప్రధాన బల, ప్రజాస్వామ్య పోరాటానికి మూలస్తంభం అని పేర్కొన్నారు. ఈ కార్యక్రమంలో బీఆర్ఎస్‌వీ రాష్ట్ర నాయకులు గాదే శివకుమార్, దినేశ్‌, అశోక్, నందిని, పల్లవి, అక్షిత పాల్గొన్నారు.