Arvapally : నకిలీ విత్తనాలు అమ్మితే కఠిన చర్యలు : కలెక్టర్ తేజస్ నంద్‌లాల్ పవర్

నకిలీ విత్తనాలు అమ్మితే విత్త‌న డీల‌ర్లు, దుకాణ‌దారుల‌పై కఠిన చర్యలు తప్పవని సూర్యాపేట‌ కలెక్టర్ తేజస్ నందలాల్ పవర్ అన్నారు. బుధవారం అర్వ‌ప‌ల్లి మండల కేంద్రంలోని మన గ్రోమోర్ సెంటర్, ఎరువుల దుకాణాన్ని కలెక్టర్ ఆకస్మిక తనిఖీ చేశారు.

అర్వపల్లి, మే 28 : నకిలీ విత్తనాలు అమ్మితే విత్త‌న డీల‌ర్లు, దుకాణ‌దారుల‌పై కఠిన చర్యలు తప్పవని సూర్యాపేట‌ కలెక్టర్ తేజస్ నందలాల్ పవర్ అన్నారు. బుధవారం అర్వ‌ప‌ల్లి మండల కేంద్రంలోని మన గ్రోమోర్ సెంటర్, ఎరువుల దుకాణాన్ని కలెక్టర్ ఆకస్మిక తనిఖీ చేశారు. ఈ సందర్భంగా ఆయన మాట్లాడుతూ.. నాణ్యమైన ఎరువులు, విత్తనాలు రైతులకు అందించాలని, రైతులకు వానాకాలం సీజన్‌కి సరిపడా ఎరువులు, విత్తనాలను అందుబాటులో ఉంచాలని వ్యవసాయ అధికారులకు సూచించారు. అలాగే రైతులు ఏ ఏ పత్తి విత్తనాలపై ఆసక్తి చూపిస్తున్నారు అనే విషయాన్ని ఆరా తీశారు. ఈ కార్యక్రమంలో జిల్లా వ్యవసాయ అధికారి శ్రీధర్ రెడ్డి, ఆర్డీఓ వేణు మాధవరావు, ఎంపీడీఓ గోపి, ఏఓ గణేశ్ పాల్గొన్నారు.