కొండామ‌ల్లేప‌ల్లి హోట్స‌ల్స్‌లో అధికారుల త‌నిఖీలు

గృహ అవసరాలకు వినియోగించే సిలిండర్లు వ్యాపార అవసరాలకు వాడుతున్నార‌న్న స‌మాచారంతో న‌ల్ల‌గొండ జిల్లా పౌర స‌ర‌ఫ‌రాల శాఖ అధికారి డీఎస్ఓ వెంక‌టేశ్వ‌ర్లు ఆదేశాల‌తో సివిల్ స‌ప్ల‌య్ ఎన్స్‌ఫోర్స్‌మెంట్ అలాగే టాస్క్‌ఫోర్స్ అధికారులు..

– డొమెస్టిక్ సిలిండర్లు 60 పట్టివేత

కొండామ‌ల్లేప‌ల్లి, మార్చి 12 : గృహ అవసరాలకు వినియోగించే సిలిండర్లు వ్యాపార అవసరాలకు వాడుతున్నార‌న్న స‌మాచారంతో న‌ల్ల‌గొండ జిల్లా పౌర స‌ర‌ఫ‌రాల శాఖ అధికారి డీఎస్ఓ వెంక‌టేశ్వ‌ర్లు ఆదేశాల‌తో సివిల్ స‌ప్ల‌య్ ఎన్స్‌ఫోర్స్‌మెంట్ అలాగే టాస్క్‌ఫోర్స్ అధికారులు గురువారం కొండామ‌ల్లేప‌ల్లిలోని ప‌లు హోట‌ల్స్‌పై రైడ్ చేశారు. ఈ సంద‌ర్భంగా నిర్వ‌హించిన త‌నిఖీల్లో డొమెస్టిక్ సిలిండ‌ర్లు 60 గ‌మ‌నించి స్వాధీనం చేసుకుని సీజ్ చేశారు. అక్ర‌మ వినియోగంపై కేసులు న‌మోదు చేసిన‌ట్లు అధికారులు వెల్ల‌డించారు. నిబంధనలకు విరుద్ధంగా డొమెస్టిక్ సిలిండర్లను వ్యాపార అవ‌స‌రాల కోసం వినియోగిస్తే చర్యలు త‌ప్ప‌వ‌ని ఈ సంద‌ర్భంఆ వారు హెచ్చరించారు. ఈ తనిఖీల్లో దేవరకొండ సివిల్ సప్ల‌య్‌ అధికారి ముబీన్, డిటిసిఎస్ ఎండీ ముక్తార్, దీపక్, సైదులు గౌడ్, జ్యోతి, రెవెన్యూ ఇన్‌స్పెక్ట‌ర్ సైదులు, కుమార్ రెడ్డి, టాస్క్ ఫోర్స్ సిబ్బంది సైదులు పాల్గొన్నారు.