బీఆర్‌ఎస్‌ సభకు చేరుకుందామిలా..

ఈ నెల 18న ఖమ్మంలో బీఆర్‌ఎస్‌ భారీ బహిరంగ సభ జరుగనున్న నేపథ్యంలో ట్రాఫిక్‌ సమస్యలు తలెత్తకుండా పోలీసు అధికారులు చర్యలు తీసుకుంటున్నారు.

• ఖమ్మం బహిరంగ సభ నేపథ్యంలో ట్రాఫిక్‌ సమస్య తలెత్తకుండా చర్యలు

మామిళ్లగూడెం, జనవరి 17 : ఈ నెల 18న ఖమ్మంలో బీఆర్‌ఎస్‌ భారీ బహిరంగ సభ జరుగనున్న నేపథ్యంలో ట్రాఫిక్‌ సమస్యలు తలెత్తకుండా పోలీసు అధికారులు చర్యలు తీసుకుంటున్నారు. ఖమ్మం వైరా హైవేలో రాకపోకలు సాగించే సాధారణ వాహనాలను ఆ రోజు ఉదయం 6 గంటల నుంచి రాత్రి 11 గంటల వరకూ దారి మళ్లించనున్నారు. సభ నేపథ్యంలో ఐదు రోజులుగా ఐజీ చంద్రశేఖర్‌రెడ్డి, వరంగల్‌, ఖమ్మం పోలీస్‌ కమిషనర్లు ఏవీ రంగనాథ్‌, విష్ణు ఎస్‌. వారియర్‌లు సమాలోచనలు చేశారు. సభ జరిగే ప్రాంతాలు, ట్రాఫిక్‌ ఏరియాలు, దారి మళ్లింపులకు తీసుకోవాల్సిన జాగ్రతలపై కసరత్తు చేసి రూట్‌ మ్యాప్‌ను విడుదల చేశారు. రాష్ట్రంలోని 31 జిల్లాలతోపాటు ఆంధ్రప్రదేశ్‌, మహారాష్ట్ర, ఛత్తీస్‌గఢ్‌, కర్నాటక, ఢిల్లీ, పంజాబ్‌, యూపీ రాష్ర్టాల నుంచి ప్రజలు, ప్రతినిధులు హాజరు కానున్న నేపథ్యంలో అధికారులు ఆ మేరకు భద్రతా ఏర్పాట్లు చేశారు. ఈ నెల 18న తెలంగాణ ముఖ్యమంత్రి కేసీఆర్‌ ఖమ్మంలో నూతన కలెక్టరేట్‌ను ప్రారంభించిన అనంతరం బీఆర్‌ఎస్‌ భారీ బహిరంగ సభలో దేశ ప్రజలకు దిశా నిర్దేశం చేయనున్నారు. దీంతో 18 ఖమ్మం మీదుగా వచ్చిపోయే సాధారణ, భారీ వాహనాల ట్రాఫిక్‌ను క్రమబద్ధీకరించేందుకు అధికారులు చర్యలు చేపట్టారు. ఆ రోజున ఖమ్మం మార్గంలో ట్రాఫిక్‌ రద్దీ ఎక్కువగా ఉంటున్నందున ప్రజలు అత్యవసరమైతేనే ఆ రోజు ప్రయాణాలు పెట్టుకోవాలని పోలీసులు సూచించారు. లేదంటే పోలీసు శాఖ నిర్దేశించిన రూట్లలోనే ప్రయాణించాలన్నారు.

పార్కింగ్‌ స్థలాలు… వాహనాలు చేరుకునే మార్గాలు..

• పార్కింగ్‌ నంబర్‌ 20కి వచ్చే కోదాడ, హుజూర్‌నగర్‌, పాలేరు నియోజకవర్గంలోని నేలకొండపల్లి, మధిర నియోజకవర్గంలోని ముదిగొండ నుంచి వచ్చే వాహనాలు వెంకటగిరి క్రాస్‌ రోడ్డు, చర్చికాంపౌండ్‌, లకారం, గొల్లగూడెం రోడ్డు, శబరి వైన్స్‌ ద్వారా చేరుకోవాల్సి ఉంది. ఈ వాహనాలు తిరిగి వెళ్లే దారి కూడా ఇదే.
• పార్కింగ్‌ నంబర్‌ 4కు వచ్చే పాలేరు నియోజకవర్గంలోని మిగతా మండలాల వాహనాలు కోదాడ క్రాస్‌రోడ్డు, వరంగల్‌ క్రాస్‌రోడ్డు, ఏదులాపురం క్రాస్‌రోడ్డు, ములకలపల్లి క్రాస్‌రోడ్డు, న్యూబస్టాండ్‌, ఎన్‌టీఆర్‌ సర్కిల్‌, శ్రీశ్రీ సర్కిల్‌ ద్వారా చేరుకుంటాయి.
• పార్కింగ్‌ నంబర్‌ 3కు సూర్యాపేట, నల్లగొండ, తుంగతుర్తి నుంచి వచ్చే వాహనాలు కోదాడ క్రాస్‌రోడ్డు, వరంగల్‌ క్రాస్‌రోడ్డు, ఏదులాపురం క్రాస్‌రోడ్డు, ములకలపల్లి క్రాస్‌రోడ్డు, న్యూబస్టాండ్‌, ఎన్‌టీఆర్‌ సర్కిల్‌, శ్రీశ్రీ సర్కిల్‌ ద్వారా చేరుకుంటాయి.
• పార్కింగ్‌ నంబర్‌ 3కు ఇల్లెందు, కారేపల్లి, కామేపల్లి, రఘునాథపాలెం నుంచి వచ్చే వాహనాలు రఘునాథపాలెం యాపిల్‌ క్రాస్‌రోడ్డు, వైఎస్‌ఆర్‌ కాలనీ నుంచి చేరుకుంటాయి.
• పార్కింగ్‌ నంబర్‌ 1కు మహబూబాబాద్‌, డోర్నకల్‌ నుంచి వచ్చే వాహనాలు కురవి, మారెమ్మగుడి, ములకలపల్లి క్రాస్‌రోడ్డు, కొత్త బస్టాండ్‌, ఎన్‌టీఆర్‌ సర్కిల్‌, శ్రీశ్రీ సర్కిల్‌ ద్వారా చేరుకుంటాయి.
• పార్కింగ్‌ నంబర్‌ 1కు పాలకుర్తి నుంచి వచ్చే వాహనాలు తొర్రూరు, బంగ్లా, ఏదులాపురం క్రాస్‌రోడ్డు, ములకలపల్లి క్రాస్‌రోడ్డు, కొత్తబస్టాండ్‌ మీదుగా శ్రీశ్రీసర్కిల్‌ ద్వారా చేరుకుంటాయి.
• పార్కింగ్‌ నంబర్‌ 2కు ఖమ్మం నగరం నుంచి వచ్చే వాహనాలు నయాబజార్‌, జడ్పీసెంటర్‌, ఇల్లెందు క్రాస్‌రోడ్డు, రోటరీ నగర్‌, శ్రీశ్రీ సర్కిల్‌ ద్వారా చేరుకుంటాయి.
• పార్కింగ్‌ నంబర్‌ 7కు కొత్తగూడెం, భద్రాచలం నుంచి వచ్చే వాహనాలు కొత్తగూడెం, తల్లాడ, వైరా, కొణిజర్ల మీదుగా చేరుకుంటాయి.
• పార్కింగ్‌ నంబర్‌ 11కు పినపాక నియోజకవర్గం నుంచి వచ్చే వాహనాలు కొత్తగూడెం, తల్లాడ, వైరా, కొణిజర్ల మీదుగా చేరుకుంటాయి.
• పార్కింగ్‌ నంబర్‌ 11కు అశ్వారావుపేట నియోజకవర్గం నుంచి వచ్చే వాహనాలు వీఎం బంజర, తల్లాడ, వైరా, కొణిజర్ల మీదుగా చేరుకుంటాయి.
• పార్కింగ్‌ నంబర్‌ 9కి సత్తుపల్లి నియోజకవర్గం నుంచి వాహనాలు వీఎం బంజర, తల్లాడ, వైరా, కొణిజర్ల మీదుగా చేరుకుంటాయి.
• పార్కింగ్‌ నంబర్‌ 9కు మధిర నియోజకవర్గం నుంచి వచ్చే వాహనాలు బోనకల్లు, చింతకాని, వందనం మీదుగా చేరుకుంటాయి.
• పార్కింగ్‌ నంబర్‌ 10కు వైరా నియోజకవర్గం నుంచి వచ్చే వాహనాలు వైరా, కొణిజర్ల మీదుగా చేరుకుంటాయి.
• మిగతా పార్కింగ్‌ నంబర్లను వీఐపీలు, భద్రతా సిబ్బంది, మీడియా ప్రతినిధులు, అధికారులు, నాయకుల వాహనాలు నిలిపేందుకు కేటాయించారు.

సూర్యాపేటలో హైవేపై పకడ్బందీ చర్యలు

సూర్యాపేట రూరల్‌, జనవరి 17 : నేడు ఖమ్మం జిల్లాలో జరిగే బీఆర్‌ఎస్‌ బహిరంగ సభకు వెళ్లే వాహనాలకు ఇబ్బంది లేకుండా సూర్యాపేట జిల్లా ఎస్పీ రాజేంద్రప్రసాద్‌ చర్యలు తీసుకుంటున్నారు. మంగళవారం ఆయన సూర్యాపేట మండలం టేకుమట్ల గ్రామ స్టేజీ నుంచి 365వ జాతీయ రహదారిని పరిశీలించారు. సభకు ఇతర జిల్లాల నుంచి ప్రజలు హాజరయ్యే క్రమంలో రహదారులపై భద్రతా చర్యలు తీసుకుంటున్నట్లు ఆయన తెలిపారు. అత్యవసర పరిస్థితుల్లో 100కు ఫోన్‌ చేసి పోలీసు సేవలు వినియోగించుకోవాలని కోరారు. ఆయన వెంట డీఎస్పీ నాగభూషణం, స్పెషల్‌ బ్రాంచ్‌ ఇన్‌స్పెక్టర్‌ శ్రీనివాస్‌, ఎస్‌ఐలు సాయిరాం, విష్ణు, పోలీసు సిబ్బంది పాల్గొన్నారు.

వాహనాలు వెళ్లాల్సిన మార్గాలు..

• సూర్యాపేట టౌన్‌ నుంచి ఖమ్మం కొత్త బైపాస్‌ రోడ్డు (కొత్త హైవే) మీదుగా సత్తుపల్లి, రాజమండ్రి, విశాఖపట్నం వెళ్లే వాహనాలు కోదాడ హైవే మీదుగా విజయవాడ వైపు వెళ్లాలి
• సూర్యాపేట టౌన్‌ నుంచి ఖమ్మం పాత రోడ్డు మీదుగా సత్తుపల్లి, రాజమండ్రి, విశాఖపట్నం వెళ్లే వాహనాలు కోదాడ హైవే మీదుగా విజయవాడ వైపు వెళ్లాలి.
• కోదాడ నుంచి ఖమ్మం వచ్చే వాహనాలు విజయవాడ హైవే వైపు వెళ్లాలి
• కూసుమంచికి వచ్చిన సత్తుపల్లి, రాజమండ్రి, విశాఖపట్నం వాహనాలు మూటాపురం, నేలకొండపల్లి నుంచి కోదాడ హైవే మీదుగా విజయవాడ వైపు వెళ్లాలి.
• ఖమ్మం రూరల్‌ పోలీస్‌ స్టేషన్‌ పరిధిలోని వెంకటగిరి క్రాస్‌ రోడ్డు వైపుకు వచ్చే వాహనాలు, వెంకటగిరి క్రాస్‌ రోడు,్డ ముదిగొండ- వల్లభి వైపు- చిల్లకల్లు హైవే మీదుగా విజయవాడ వైపు దారి మళ్లించారు.
• ఖమ్మం రూరల్‌ లిమిట్స్‌లోని కోదాడ క్రాస్‌ రోడ్డుకి వచ్చిన సత్తుపల్లి, రాజమండ్రి, విశాఖపట్నం వాహనాలు వెంకటగిరి క్రాస్‌ రోడ్డు, నేలకొండపల్లి, కోదాడ హైవే మీదుగా విజయవాడ వైపు వెళ్లాలి.
• ఖమ్మం రూరల్‌ లిమిట్స్‌లోని నాయుడుపేట జంక్షన్‌కు వరంగల్‌ వైపు నుంచి వచ్చిన సత్తుపల్లి, రాజమండ్రి, విశాఖపట్నం వాహనాలు ఖమ్మం రూరల్‌ పోలీస్‌ స్టేషన్‌ సరిల్‌, కోదాడ క్రాస్‌ రోడ్డు – వెంకటగిరి క్రాస్‌ రోడ్‌, నేలకొండపల్లి – కోదాడ హైవే మీదుగా విజయవాడ వైపు వెళ్లాలి.
• పెనుబల్లి టౌన్‌కు.. సత్తుపల్లి, రాజమండ్రి వైపు నుంచి వచ్చిన వాహనాలు తిరువూరు – మైలవరం- విజయవాడ వైపు వెళ్లాలి.
• తల్లాడకు.. సత్తుపల్లి, రాజమండ్రి వైపు నుంచి వరంగల్‌ వైపు వెళ్లే వాహనాలు ఏనూరు, తిమ్మారావు పేట, ముచ్చెర్ల క్రాస్‌ రోడ్డు మీదుగా డోర్నకల్‌ వైపు వెళ్లాలి.
• ఏనూరుకు.. కొత్తగూడెం, తల్లాడ వైపు నుంచి వచ్చే వాహనాలు ఏనూరు, తిమ్మారావు పేట, ముచ్చెర్ల క్రాస్‌ రోడ్డు మీదుగా డోర్నకల్‌ – మహబూబాబాద్‌ వైపు వెళ్లాలి.
• వైరా టౌన్‌కు.. తల్లాడ, సత్తుపల్లి, రాజమండ్రి వైపు నుంచి హైదరాబాద్‌, వరంగల్‌ వైపు వెళ్లే వాహనాలు పాలడుగు – బోనకల్లు, చిల్లకల్లు హైవే వైపు వెళ్లాలి.
• పల్లిపాడుకు.. ఏనూరు, జన్నారం వైపు నుంచి వచ్చే వాహనాలు వైరా – పాలడుగు – బోనకల్లు, చిల్లకల్లు హైవే వైపు వెళ్లాలి.
• ములకలపల్లి క్రాస్‌ రోడ్డుకు.. కురవి, మహబూబాబాద్‌ నుంచి హైదరాబాద్‌, విజయవాడ వెళ్లే వాహనాలు ఏదులాపురం సరిల్‌ మీదుగా ఖమ్మం రూరల్‌ పోలీస్‌ స్టేషన్‌ – కోదాడ క్రాస్‌ రోడ్డు – వెంకటగిరి క్రాస్‌ రోడ్డు, నేలకొండపల్లి – కోదాడ హైవే మీదుగా విజయవాడ వైపు వెళ్లాలి.
• వరంగల్‌ రోడ్డులోని ఏదులాపురం క్రాస్‌ రోడ్డుకు.. వరంగల్‌ వైపు నుంచి సత్తుపల్లి, రాజమండ్రి, విశాఖపట్నం వెళ్లే వాహనాలు ఖమ్మం రూరల్‌ పోలీస్‌ స్టేషన్‌ సరిల్‌, కోదాడ క్రాస్‌రోడ్డు – వెంకటగిరి క్రాస్‌రోడ్డు, నేలకొండపల్లి – కోదాడ హైవే మీదుగా విజయవాడ వైపు వెళ్లాలి.
• బోనకల్లు గ్రామ సెంటర్‌ నుంచి వచ్చే వాహనాలు తిరిగి చిల్లకల్లు వైపు వెళ్లాలి.
• ఇల్లెందు రోడ్డులోని ముచ్చెర్ల క్రాస్‌ రోడ్డు వైపునకు వచ్చిన వాహనాలు డోర్నకల్లు, మహబూబాబాద్‌ మీదుగా వెళ్లాలి.
• మరిపెడ బంగ్లాకు.. వరంగల్‌ వైపు నుంచి సత్తుపల్లి, రాజమండ్రి, విశాఖపట్నం వెళ్లే వాహనాలు ఖమ్మం రూరల్‌ పోలీస్‌ స్టేషన్‌ -కోదాడ క్రాస్‌రోడ్డు – వెంకటగిరి క్రాస్‌రోడ్డు, నేలకొండపల్లి – కోదాడ హైవే మీదుగా విజయవాడ వైపు వెళ్లాలి.