Lawyers Protest : న్యాయవాది హత్యను నిరసిస్తూ మిర్యాల‌గూడ‌లో విధుల బహిష్కరణ

హైద‌రాబాద్ చంపాపేటకు చెందిన న్యాయవాది ఇజ్రాయెల్‌ను కొందరు వ్య‌క్తులు దారుణంగా హత్య చేయడాన్ని నిరసిస్తూ మంగళవారం మిర్యాలగూడ బార్‌ అసోసియేషన్‌ సభ్యులు విధులు బహిష్కరించి కోర్టు ఎదుట నిరసన వ్యక్తం చేశారు.

మిర్యాలగూడ, మార్చి 25 : హైద‌రాబాద్ చంపాపేటకు చెందిన న్యాయవాది ఇజ్రాయెల్‌ను కొందరు వ్య‌క్తులు దారుణంగా హత్య చేయడాన్ని నిరసిస్తూ మంగళవారం మిర్యాలగూడ బార్‌ అసోసియేషన్‌ సభ్యులు విధులు బహిష్కరించి కోర్టు ఎదుట నిరసన వ్యక్తం చేశారు. ఈ సందర్భంగా మిర్యాలగూడ బార్ అసోసియేష‌న్‌ అధ్యక్షుడు వేలాద్రి మాట్లాడుతూ.. ప్రభుత్వం వెంటనే న్యాయవాదుల రక్షణ చట్టాన్ని తీసుకురావాలన్నారు. అనంతరం మౌనం పాటించారు.

ఈ కార్యక్రమంలో బార్‌ వైస్‌ ప్రెసిడెంట్‌ ఎండి.ఇబ్రహీం, ట్రెజరరీ పవన్‌కుమార్‌, సీనియర్‌ న్యాయవాదులు కె.శ్రీనివాస్‌రెడ్డి, రమణరెడ్డి, కొంక వెంకన్న, జిన్నా, శ్రీను, లింగంపల్లి శ్రీను, సాయి, భాస్కర్‌, వేణు, మండ సైదులు, మట్టయ్య రాజేశ్‌, మస్తాన్‌, కె.నాగేందర్‌ పాల్గొన్నారు.