బురదమయంగా రోడ్లు
సిద్దిపేట జిల్లా గజ్వేల్-ప్రజ్ఞాపూర్ మున్సిపాలిటీ పరిధిలోని పలు కాలనీల్లో చిన్నపాటి వర్షానికే రోడ్లన్నీ బురదమయంగా మారుతున్నాయి. వానకాలం వచ్చిందంటే బురదమయంగా మారుతున్న రోడ్లపై కాలినడకన వెళ్లలేని పరిస్థితులు కనిపిస్తున్నాయి.
గజ్వేల్, సెప్టెంబర్ 16: సిద్దిపేట జిల్లా గజ్వేల్-ప్రజ్ఞాపూర్ మున్సిపాలిటీ పరిధిలోని పలు కాలనీల్లో చిన్నపాటి వర్షానికే రోడ్లన్నీ బురదమయంగా మారుతున్నాయి. వానకాలం వచ్చిందంటే బురదమయంగా మారుతున్న రోడ్లపై కాలినడకన వెళ్లలేని పరిస్థితులు కనిపిస్తున్నాయి. మున్సిపాలిటీలో మట్టి రోడ్లన్నీ సక్రమంగా లేక ప్రజలు నానా అవస్థలు పడుతున్నారు. బీఆర్ఎస్ హయాంలో అధ్వానంగా ఉన్న అంతర్గత రోడ్లకు మూడేండ్ల క్రితం రూ.22.87కోట్ల నిధులు మంజూరు చేశారు. మంజూరైన నిధులతో మున్సిపాలిటీలో 18కిలోమీటర్ల మేర సీసీ రోడ్డు పనులు చేపట్టాల్సి ఉండగా పూర్తి స్థాయిలో పనులు పూర్తవలేదు. దీంతో వానకాలంలో బురదమయంగా మారుతున్న రోడ్లతో పట్టణ ప్రజలు ఇబ్బందులు ఎదుర్కొంటున్నారు.
సీసీ రోడ్ల నిర్మాణం కోసం
గతేడాది ఆగస్టులో మున్సిపల్ పాలకవర్గ సభ్యులు సీసీ రోడ్ల నిర్మాణం కోసం 14వ ఆర్థిక సంఘం నిధులు రూ.2కోట్లను ప్రతిపాదించి తీర్మానం చేశారు. 20వార్డుల్లో 20పనులు చేపట్టాలని నిర్ణయించి ఒక్కో పనికి రూ.10లక్షలు మంజూరు చేశారు. 20వార్డుల్లో ఒక్కో పనికి రూ.10లక్షల చొప్పున నిధులు కేటాయించారు. అయితే ఆ నిధులతో కేవలం కొన్ని వార్డుల్లోనే పనులు పూర్తవగా మిగతా వార్డుల్లో ఎక్కడి పనులు అక్కడే పెండింగ్లో ఉన్నాయి. సీసీ రోడ్ల నిర్మాణం కోసం మంజూరు చేసిన నిధులు పెండింగ్లోనే ఉండడంతో వానకాలం వస్తే రోడ్లన్నీ చిత్తడిగా దర్శనమిస్తున్నాయి. దాంతో కాలనీల్లో నడవలేని పరిస్థితులు ఉన్నాయంటూ ఆయా కాలనీల్లోని ప్రజలు వాపోతున్నారు. లక్ష్మీప్రసన్ననగర్, ప్రజ్ఞాపూర్లోని పలు కాలనీలు, ఎయిర్టెల్ టవర్ గల్లీలోని పలు కాలనీలు, విలీన గ్రామాల్లోని రోడ్లు అధ్వానంగా మారడంతో ప్రజలు ఇబ్బందులు పడుతున్నారు.
ముందుకు
సాగని పనులు…
మున్సిపాలిటీ పరిధిలోని ఆయా వార్డుల్లో సీసీ రోడ్ల నిర్మాణం కోసం 14వ ఆర్థిక సంఘం నిధులు రూ.2కోట్లు ఉన్నప్పటికీ పనులు మాత్రం ముందుకు సాగడం లేదు. కేవలం కొన్ని వార్డుల్లోనే పనులు పూర్తవగా మిగతా వార్డుల్లో సంబంధిత కాంట్రాక్టర్లు పనులు ప్రారంభించడం లేదు. ఇప్పటి వరకు చేసిన పనులకు సంబంధించిన బిల్లులు పెండింగ్లో ఉండడంతోనే పనులు ప్రారంభించలేకపోతున్నట్లు అధికారులు తెలిపారు. 14వ ఆర్థిక సంఘం నిధులతో ఆయా వార్డులో బురదమయంగా ఉన్న అంతర్గత రోడ్లను సీసీలుగా మార్చితే ప్రజలకు ఉపశమనం కలుగుతుంది. అందుకు అధికారులు పనులు త్వరగా ప్రారంభించేలా చొరవ తీసుకోవాలని ప్రజలు కోరుతున్నారు.
పనులు ప్రారంభించని వారికి నోటీసులు ఇచ్చాం
గజ్వేల్-ప్రజ్ఞాపూర్ మున్సిపాలిటీ పరిధిలోని ఆయా వార్డులో ఇప్పటి వరకు పనులు ప్రారంభించని కాంట్రాక్టర్లకు రెండు విడతలుగా నోటీసులు అందజేశాం. మరోసారి నోటీసులు ఇచ్చిన తర్వాత ఇప్పటి వరకు ప్రారంభం కాని పనులకు రీ టెండర్ నిర్వహిస్తాం.
– బాలకృష్ణ, మున్సిపల్ కమిషనర్, గజ్వేల్-ప్రజ్ఞాపూర్, సిద్దిపేట జిల్లా
Read Today's Latest Medak News in Telugu and Telugu News
RELATED ARTICLES
తాజా వార్తలు
Nitish Setu | నితీశ్ సేతుపై ఆర్జేడీ కార్యకర్తల వీరంగం.. బ్యానర్లు ధ్వంసం
The Lakshmana | వెండితెరపై లక్ష్మణుడి అజ్ఞాత వీరగాథ.. ఆకట్టుకుంటున్న ‘ది లక్ష్మణ’ ఫస్ట్ లుక్ పోస్టర్!
Mallu Ravi | ఎమ్మెల్యేలు కోమటిరెడ్డి రాజగోపాల్ రెడ్డి, అనిరుధ్ రెడ్డి లక్ష్మణ రేఖ దాటారు : మల్లు రవి
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
Road Accident | లారీని ఢీకొట్టిన టెంపో.. ఒకే కుటుంబానికి చెందిన 9 మంది దుర్మరణం..!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

