క్రీడల్లో గెలుపోటములు సహజం : ఎమ్మెల్యే సునీత లక్ష్మారెడ్డి

క్రీడల్లో గెలుపోటములు సహజమని స్నేహపూరిత వాతావరణంలో క్రీడల్లో పాల్గొనాలని ఎమ్మెల్యే సునీత లక్ష్మారెడ్డి సూచించారు.

హత్నూర, అక్టోబర్ 28 : క్రీడల్లో గెలుపోటములు సహజమని స్నేహపూరిత వాతావరణంలో క్రీడల్లో పాల్గొనాలని ఎమ్మెల్యే సునీత లక్ష్మారెడ్డి సూచించారు. బుధవారం సంగారెడ్డి జిల్లా హత్నూర మండలం దౌల్తాబాద్ లో స్కూల్ గేమ్ ఫెడరేషన్ ఆధ్వర్యంలో 70వ జిల్లా స్థాయి వాలీబాల్ పోటీలను ప్రారంభించారు. ఈ సందర్భంగా క్రీడాకారులను ఉద్దేశించి ఆమె మాట్లాడుతూ క్రీడల వల్ల శారీరక దారుఢ్యం పెంపొందడంతో పాటు మానసికోళ్లసం కలుగుతుందన్నారు. క్రీడా పోటీలలో పాల్గొనే క్రీడాకారులకు కొత్త కొత్త పరిచయాలు ఏర్పడతాయని సూచించారు.

క్రీడల్లో గెలుపోటములు సహజమని ఓటమిని గెలుపుకు నాందిగా స్వీకరించి గెలిచే వరకు పోరాడాలని తెలిపారు.విద్యార్థులకు చదువుతోపాటు క్రీడలు ఎంతో దోహదపడతాయన్నారు. కేవలం చదువుపైనే దృష్టి సారించకుండా క్రీడల పట్ల ఆసక్తి కనబరిచి రాణించాల్సిన అవసరం ఉందన్నారు. నేడు ప్రభుత్వ ఉద్యోగాలలో సైతం క్రీడాకారులకు ఉద్యోగ అవకాశాలు కల్పించడం జరుగుతుందని తెలిపారు. గ్రామీణ స్థాయి క్రీడాకారులను వెలికి తీసేందుకు ఇలాంటి క్రీడా పోటీలు నిర్వహించడం జరుగుతుందని ఉత్సాహంగా పోటీలలో పాల్గొనాలని సూచించారు. కాగా టోర్నమెంటుకు సహాయ సహకారాలు అందించిన స్థానిక సర్పంచ్ సంగీత నర్సింలు, ఉపసర్పంచ్ శేఖర్ గౌడ్, టిఆర్ఎస్ పట్టణ అధ్యక్షుడు అజ్మత్ అలీలను అభినందించారు.

-వాలీబాల్ సర్వీస్ చేసి క్రీడలు ప్రారంభం

క్రీడా పోటీల ప్రారంభోత్సవానికి హాజరైన ఎమ్మెల్యే సునీత లక్ష్మారెడ్డి జ్యోతి ప్రజ్వలన చేసి శాంతి కపోతం పావురం ఎగురవేసి వాలీబాల్ సర్వీస్ తో క్రీడా పోటీలు ప్రారంభించారు. క్రీడాకారులతో కలిసి కాసేపు వాలీబాల్ ఆడిన ఎమ్మెల్యే విద్యార్థుల్లో ఉత్సాహాన్ని నింపారు. ఎమ్మెల్యే వాలీబాల్ ఆడటం చూసిన పలువురు క్రీడాకారిణిలు ఆమెను ఆదర్శంగా తీసుకొని ఉత్సాహంగా క్రీడా పోటీల్లో పాల్గొన్నారు. కార్యక్రమంలో మాజీ ఎంపీపీ నర్సింలు, ఎంఈఓ వెంకట నరసింహ గౌడ్, సర్పంచులు శ్రీహరి, ఎల్లయ్య, హెచ్ఎం అనురాధ, ఉప సర్పంచ్ శేఖర్ గౌడ్, బి ఆర్ ఎస్ మండలాధ్యక్షుడు రామచంద్ర రెడ్డి, నాయకులు ఎల్చాల మధు, ఆగమయ్య,ఇబ్రహీం, వీరేందర్,శ్రీకాంత్, తోటస్వామి, రవికుమార్, రవీందర్,కృష్ణ యాదవ్, నరేందర్, గౌస్,పీ డీలు రామరాజు, కృష్ణయ్య, సిఆర్పి యాదగిరి తదితరులు పాల్గొన్నారు.