M Padma Devender Reddy | కాంగ్రెస్ ప్రభుత్వం వచ్చాక ప్రజలకు మళ్లీ కష్టాలు.. ఇంటింటి ప్రచారంలో పద్మాదేవేందర్ రెడ్డి

M Padma Devender Reddy | శనివారం ఎర్రగడ్డ డివిజన్‌లోని సుల్తాన్ నగర్‌లో మెదక్‌ మాజీ ఎమ్మెల్యే, బీఆర్‌ఎస్‌ జిల్లా అధ్యక్షురాలు ఎం పద్మా దేవేందర్ రెడ్డి ఇంటింటి ప్రచారం నిర్వహించారు. ఈ సందర్భంగా ఒక ఐరన్ షాపులో రజక మహిళలతో మాట్లాడారు. కారు గుర్తుకు ఓటు వేసి మాగంటి సునీత గోపీనాథ్‌ను భారీ మెజార్టీతో గెలిపించాలని విజ్ఞప్తి చేశారు.

M Padma Devender Reddy | మెదక్ మున్సిపాలిటీ, నవంబర్ 01 : ఆరు గ్యారెంటీల పేరుతో ప్రజలను కాంగ్రెస్ పార్టీ మోసం చేసిందని మెదక్‌ మాజీ ఎమ్మెల్యే,  బీఆర్‌ఎస్‌ జిల్లా అధ్యక్షురాలు  ఎం పద్మా దేవేందర్ రెడ్డి అన్నారు. జూబ్లీహిల్స్‌ అసెంబ్లీ నియోజకవర్గ ఉప ఎన్నికల్లో బీఆర్‌ఎస్‌ అభ్యర్థి మాగంటి సునీతా గోపీనాథ్‌ను భారీ మెజార్టీతో గెలిపించడమే లక్ష్యంగా పద్మా దేవేందర్ రెడ్డి, పార్టీ ప్రజా ప్రతినిధులు, శ్రేణులతో కలిసి ప్రత్యేక వ్యూహాలతో ప్రచార పర్వాన్ని సాగిస్తున్నారు.

ప్రతీ ఒక్కరిని ఆప్యాయంగా పలకరిస్తూ.. ఇంటింటికి తిరుగుతూ ఓటు అభ్యర్థిస్తూ ముందుకు వెళ్తున్నారు. శనివారం ఎర్రగడ్డ డివిజన్‌లోని సుల్తాన్ నగర్‌లో ఇంటింటి ప్రచారం నిర్వహించారు. ఈ సందర్భంగా ఒక ఐరన్ షాపులో రజక మహిళలతో మాట్లాడారు. కారు గుర్తుకు ఓటు వేసి మాగంటి సునీత గోపీనాథ్‌ను భారీ మెజార్టీతో గెలిపించాలని విజ్ఞప్తి చేశారు.

ఈ సందర్భంగా రజక మహిళలు మాట్లాడుతూ.. కేసీఆర్ హయాంలో మాకు ఉపాధి కల్పించి రజకులకు ఐరన్ షాపుల ఫ్రీ కరెంట్ ఇచ్చారని గుర్తు చేశారు. కాంగ్రెస్ ప్రభుత్వం రావడం వలన మళ్లీ ప్రజలకు కష్టాలు మొదలయ్యాయని పేర్కొన్నారు. మా షాపులకు ఫ్రీ కరెంటు కట్ చేసి బిల్లు కొడుతున్నారని అవేదన వ్యక్తం చేశారు. మహిళలకు నెలకు రూ.2500 ఇస్తామని చెప్పి కాంగ్రెస్ ప్రభుత్వం మోసం చేసిందని అన్నారు.

అనంతరం పద్మా దేవేందర్ రెడ్డి మాట్లాడుతూ.. కాంగ్రెస్ పార్టీ ఆరు గ్యారెంటీల పేరుతో చేసిన మోసాలను ప్రజలకు గుర్తు చేస్తూ 10 సంవత్సరాలు బీఆర్ఎస్ ప్రభుత్వం కేసీఆర్ పాలన గురించి తెలియజేశారు. రెండు సంవత్సరాల కాంగ్రెస్ ప్రభుత్వ వైఫల్యాలు గాలికి వదిలేసిన హామీలను ప్రజలకు వివరించారు. బీఆర్ఎస్ ప్రభుత్వం హయాంలో అన్ని వర్గాల ప్రజలు సంక్షేమ పథకాలు అంది సంతోషంగా ఉన్నారని అన్నారు. కాంగ్రెస్ ప్రభుత్వం వచ్చి ప్రజలకు కష్టాలు నెలకొల్పిందని గుర్తు చేశారు. మహిళలకు నెలకు రూ.2500 ఇస్తామన్నారు, పెన్షన్ పెంచుతామని మోసం చేశారని ఎద్దేవా చేశారు.

కాంగ్రెస్ ప్రభుత్వం పేద ప్రజల పొట్ట కొట్టిందని రజక సోదరులకు కేసీఆర్ ప్రభుత్వం ప్రతీ ఐరన్ షాప్‌కు కరెంటు ఫ్రీగా ఇచ్చామని గుర్తు చేశారు. కారు గుర్తుకు ఓటు వేసి బీఆర్ఎస్ పార్టీ మాగంటి సునీత గోపీనాథ్‌ను గెలిపించాలని ఈ సందర్భంగా కోరారు. ఈ ప్రచారంలో స్థానిక నాయకులతోపాటు మెదక్ నాయకులు అహ్మద్, లింగారెడ్డి, జుబేర్ అహ్మద్, కుమార్ యాదవ్, రాజ్ కుమార్, నరేష్, రంజిత్, లడ్డూ తదితరులు ఉన్నారు.

Read Also :

Actress | భిక్షాటనతో జీవనాన్ని సాగిస్తున్న నటి.. కంటతడి పెట్టిస్తున్న నుపుర్ అలంకార్ కథ

Bigg Boss 9 | బిగ్ బాస్ తెలుగు 9లో మరో ట్విస్ట్ .. శ్రీజ ఎలిమినేషన్, కొత్త కెప్టెన్‌గా దివ్య!

NTR | గాయాల నుండి పూర్తిగా కోలుకున్నఎన్టీఆర్.. ‘డ్రాగన్’ షూటింగ్ భారీ షెడ్యూల్ ఎప్పటి నుండి అంటే..!