Visit:
చిన్నకోడూర్‌: పెద్దమ్మ ఆశీస్సులతో అన్నింటా శుభం జరగాలని మాజీమంత్రి ,సిద్దిపేట ఎమ్మెల్యే తన్నీరు హరీష్‌ రావు (Former Minister Harish Rao) అన్నారు . చిన్నకోడూరు మండలం రామంచ గ్రామంలో ముదిరాజ్‌ సంఘం ఆధ్వర్యంలో శుక్రవారం పెద్దమ్మ దేవాలయ( Peddamma Temple ) పునర్నిర్మాణ పనులకు భూమి పూజ చేశారు. పెద్దకోడూరులోని మెట్టు బండల వద్ద పెట్రోల్‌ పంపును ( Petrol Pump) ప్రారంభించారు. గోనేపల్లిలో పోలేరమ్మ విగ్రహా ప్రతిష్టలో పాల్గొన్నారు.
ఈ సందర్భంగా హరీష్‌ రావు మాట్లాడుతూ సిద్దిపేట( Siddipet ) నియోజకవర్గంలో ముదిరాజ్‌లకు రూ. 5 కోట్లతో రాష్ట్రంలోనే ఆదర్శంగా ముదిరాజ్‌ భవనం నిర్మించామని చెప్పారు. ముదిరాజ్‌ల ఆధ్వర్యంలో ప్రతి గ్రామంలో పెద్దమ్మ దేవాలయం నిర్మించామని, అన్ని దేవాలయాలకు తన సహకారం అందించానని గుర్తుచేశారు. గత ప్రభుత్వం హయాంలో మత్స్య కారులకు ఆర్థికంగా భరోసానిచ్చిందన్నారు.
ఈ కార్యక్రమంలో రాష్ట్ర కార్యదర్శి వేలేటి రాధాకృష్ణ శర్మ, మాజీ ఎంపీపీ కూర మాణిక్య రెడ్డి, బీఆర్‌ఎస్‌ మండల అధ్యక్షుడు కాముని శ్రీనివాస్‌, ఉమ్మడి మెదక్‌ జిల్లా గొర్ల పెంపకం దారుల మాజీ అధ్యక్షుడు శ్రీహరి యాదవ్‌, గంగాపూర్‌ సొసైటీ చైర్మన్‌ కనకరాజు, మాజీ వైస్‌ ఎంపీపీ పాపయ్య, బీఆర్‌ఎస్‌ సీనియర్‌ నాయకులు మేడికాయల వెంకటేశం, జంగిటి శ్రీనివాస్‌, ఇట్టబోయిన శ్రీనివాస్‌, శ్రీకాంత్‌ యాదవ్‌, బట్టు లింగం, ఎల్లా గౌడ్‌, కొండం రవీందర్‌ రెడ్డి, మాజీ సర్పంచులు, మాజీ ఎంపీటీసీలు, ముదిరాజ్‌ సంఘం నాయకులు, కార్యకర్తలు, తదితరులు పాల్గొన్నారు.
