ధాన్యం కొనుగోలు చేయాలని నిరసన

కొనుగోలు కేంద్రం ప్రారంభించి 15 రోజులు గడిచినా ధాన్యం కొనుగోలు చేయడం లేదని రైతులు నిరసన తెలిపిన ఘటన మండలలోని రాంపూర్‌లో శనివారం చోటు చేసుకుంది. మండలంలో నంగునూరు పీఏసీఎస్‌ ఆధ్వర్యంలో 5, పాలమాకుల పీఏసీఎస్‌ ఆధ్వర్యంలో 13, ఐకేపీ ఆధ్వర్యంలో 7 కొనుగోలు కేం ద్రాలు ప్రారంభించారు.

నంగునూరు, నవంబర్‌ 2: కొనుగోలు కేంద్రం ప్రారంభించి 15 రోజులు గడిచినా ధాన్యం కొనుగోలు చేయడం లేదని రైతులు నిరసన తెలిపిన ఘటన మండలలోని రాంపూర్‌లో శనివారం చోటు చేసుకుంది. మండలంలో నంగునూరు పీఏసీఎస్‌ ఆధ్వర్యంలో 5, పాలమాకుల పీఏసీఎస్‌ ఆధ్వర్యంలో 13, ఐకేపీ ఆధ్వర్యంలో 7 కొనుగోలు కేం ద్రాలు ప్రారంభించారు.

కానీ, ఇప్పటికీ ధాన్యం కొనుగోలు ప్రారంభం కాలేదని రైతులు మండిపడ్డారు. అధికారులతో మాట్లాడి వెంటనే ధాన్యం కొనుగోళ్లు ప్రారంభించాలని రాంపూర్‌ బీఆర్‌ఎస్‌ నాయకుడు పరశురాములు కోరారు. ఈ సందర్భంగా రైతులు మాట్లాడుతూ..ధాన్యం కొనుగోలు చేయక కాంగ్రెస్‌ ప్రభుత్వం మోసం చేస్తున్నదని, ఇప్పటికే సగానికి పైగా ధాన్యం దళారులకు అమ్ముకున్నామని రైతులు తెలిపారు. ఇప్పటికైనా ఉన్నతాధికారులు తక్షణమే స్పందించి ధాన్యం కొనుగోలు ప్రారంభించాలని డిమాండ్‌ చేశారు.