Elections | ఎన్నికల్లో శాంతి భద్రతలకు భంగం కలిగిస్తే కఠిన చర్యలు : ఎస్సై రిషికేష్‌

Elections | నాగర్ కర్నూలు జిల్లా కొల్లాపూర్ నియోజక వర్గంలో 131 గ్రామపంచాయతీ స్థానాలకు 1,216 వార్డు మెంబర్ స్థానాలకు జరుగుతున్న ఎన్నికల ప్రక్రియ భారీ పోలీస్ పహారా లో జరుగుతుంది.

కొల్లాపూర్ : నాగర్ కర్నూలు జిల్లా కొల్లాపూర్ నియోజక వర్గంలో 131 గ్రామపంచాయతీ ( Elections ) స్థానాలకు 1,216 వార్డు మెంబర్ స్థానాలకు జరుగుతున్న ఎన్నికల ప్రక్రియ భారీ పోలీస్ పహారా ( Police Securtity ) లో జరుగుతుంది. ఆదివారం రెండవ దఫా నామినేషన్లు ప్రారంభం కావడంతో కొల్లాపూర్ మండల పరిధిలోని కుడికిల్ల క్లస్టర్‌, నార్లాపూర్ ముక్డిగుండం , లచ్చనాయక తండా , అంకిరావుపల్లిలో నామినేషన్ల ప్రక్రియ ప్రశాంతంగా ప్రారంభ మయ్యాయి.

ఎల్లూరు క్లస్టర్ పరిధిలో బోడబండ తండా, అమరగిరి, మొలచింతలపల్లి, సింగోటం క్లస్టర్ పరిధిలో జవాయిపల్లి, మాచినేని పల్లి, యన్మన్ బెట్ల, రామాపురం క్లస్టర్ పరిధిలో చింతలపల్లి సోమశిల ,తాళా నర్సిమ్మాపూర్, బోయలపల్లి గ్రామ పంచాయతీలకు నామినేషన్లు మొదలయ్యాయి.

ఈ సందర్భంగా నామినేషన్ సెంటర్లను ఎస్సై రిషికేష్‌ (SI Rishikesh ) తనిఖీ చేశారు. ఎన్నికల నామినేషన్ కేంద్రాల వద్ద ఎవరైనా అలజడి సృష్టించిన కఠిన చర్యలు తీసుకుంటామని హెచ్చరించారు. నామినేషన్ కేంద్రాల వద్ద అప్రమత్తంగా ఉండాలని పోలీసు సిబ్బందికి సూచించారు.