e-Paper

Advertisement

E-Paper

Apps

Book Your Copy

Visit Telangana Today

Tuesday, January 25, 2022
Home జోగులాంబ(గద్వాల్) సింగవట్నం ఆలయానికి మహర్దశ

సింగవట్నం ఆలయానికి మహర్దశ

  • ఎస్‌డీఎఫ్‌ నుంచి రూ.15 కోట్లు మంజూరు
  • ఉత్తర్వులు జారీ చేసిన ప్రణాళిక శాఖ
  • ముఖ్యమంత్రి కేసీఆర్‌, మంత్రి కేటీఆర్‌కు ఎమ్మెల్యే బీరం ధన్యవాదాలు

కొల్లాపూర్‌, డిసెంబర్‌ 6 : మండలంలోని సింగవట్నం ఆలయానికి మహర్దశ పట్టనున్నది. రాష్ట్రంలో యాదాద్రి ఆలయం తర్వాత సింగవట్నం లక్ష్మీనరసింహస్వామి ఆలయం రెండోదిగా ప్రాచూర్యం లో ఉన్నది. సురభి రాజుల కాలం నాటి నుంచి చారిత్రాత్మక, ఆధ్యాత్మిక పుణ్యక్షేత్రంగా విరాజిల్లుతున్న ఆలయ అభివృద్ధికి ప్రభుత్వం నిధులు మంజూరు చేసింది. ఎస్‌డీఎఫ్‌ నిధుల నుంచి రూ.15 కో ట్లను ప్రణాళిక శాఖ విడుదల చేసింది. ఇందుకు సంబంధించిన ఉత్తర్వులను స్పెషల్‌ చీఫ్‌ సెక్రటరీ రామకృష్ణారావు జారీ చేశారు. నిధు లు మంజూరు చేసినందుకు ముఖ్యమంత్రి కేసీఆర్‌కు, పురపాలక శాఖ మంత్రి కేటీఆర్‌కు కొల్లాపూర్‌ ఎమ్మెల్యే బీరం హర్షవర్ధన్‌రెడ్డి ధన్యవాదాలు తెలిపారు. ఆలయ ఆధునీకరణ పనులకు సంబంధించిన ప్రతిపాదనలు తయారు చేసి ప్రభుత్వానికి ఎమ్మెల్యే అందజేశారు. దీంతో నిధులు మంజూరయ్యాయి. ఆలయాభివృద్ధికి రూ.5.76 కోట్లు, వసతుల కోసం రూ.3.30 కోట్లు, భక్తుల కోసం రూ.84 లక్షలు, నీటి సరఫరాకు రూ.85 లక్షలు, శానిటేషన్‌ కోసం రూ.76 లక్షలు, భూసేకరణ కోసం రూ.349 లక్షలను ప్రభుత్వం విడుదల చేసింది. ఈ నిధులతో ఆలయ రూపురేఖలు మారనున్నాయని భక్తులు హర్షం వ్యక్తం చేస్తున్నారు. దేవాలయం సమీపంలో ఉన్న శ్రీవారి సముద్రం, హరితహోటల్‌, కాటేజీలు, రత్నగిరి కొండ, పచ్చని పంటలు పర్యాటకులను ఎంతగానే ఆకర్షిస్తున్నాయి.

ఎమ్మెల్యే చొరవతో ఆలయ అభివృద్ధి..
ఎమ్మెల్యే బీరం హర్షవర్ధన్‌రెడ్డి చొరవతో సింగవట్నం లక్ష్మీనర్సింహస్వామి ఆలయం అభివృద్ధికి సీఎం కేసీఆర్‌ రూ.15 కోట్లు మంజూరు చేయడం సంతోషంగా ఉన్నది. ఈ నిధులతో ఆలయ రూపురేఖలు మారనున్నాయి. ఆలయానికి ఆదాయం కూడా పెరగనున్నది. నిధులు మంజూరు చేసిన సీఎం కేసీఆర్‌ కుటుంబానికి స్వామి వారి కృప ఎల్లప్పుడూ ఉంటుంది.

  • సంపత్‌కుమార్‌శర్మ, ఆలయ ప్రధాన అర్చకుడు
    మాట నిలబెట్టుకున్న సీఎం కేసీఆర్‌..
    సింగవట్నం ఆలయ ఆధునీకరణకుగానూ నిధులు మంజూరు చేయాలని సీఎం కేసీఆర్‌కు విన్నవించాను. సానుకూలంగా స్పందించి, అక్టోబర్‌ మొదటి వారంలో రూ.15 కోట్లు మంజూరుకు రాష్ట్ర ప్రభుత్వం ఆమోదం తెలిపింది. ఎస్‌డీఎఫ్‌ నుంచి నిధులను ప్రణాళిక శాఖ ద్వారా ముఖ్యమంత్రి ఇప్పుడు విడుదల చేయించారు. సీఎం హామీ ఇచ్చారంటే.. అది తప్పకుండా నేరవేరుస్తారు. అందుకు ఇదే నిదర్శనం. సీఎం కేసీఆర్‌, మంత్రి కేటీఆర్‌కు ధన్యవాదాలు.
  • బీరం హర్షవర్ధన్‌రెడ్డి, ఎమ్మెల్యే, కొల్లాపూర్‌
- Advertisement -
- Advertisement -
Advertisement

Most Viewed

-Advertisement-

తాజావార్తలు

Advertisement

ట్రెండింగ్‌

Advertisement