ఉప్పొంగిన కృష్ణమ్మ

పాలమూరు ప్రాజెక్టు వద్ద జల సంబురం నెలకొన్నది. నార్లాపూర్‌ వద్ద మొదటి లిఫ్ట్‌ నుంచి కృష్ణమ్మ ఉబికివచ్చింది. ఈనెల 16న సీఎం కేసీఆర్‌ వెట్న్‌న్రు ప్రారంభించగా.. బుధవారం మొదటి పంప్‌ను ఇరిగేషన్‌ ఇంజినీర్లు ఆన్‌ చేసి నీటి ఎత్తిపోతను షురూ చేశారు.

• పాలమూరు లిఫ్ట్‌ మొదటి పంప్‌ రన్‌
• డెలివరీ సిస్టర్న్‌ నుంచి నురగలు కక్కుతూ..
• నార్లాపూర్‌ రిజర్వాయర్‌లోకి జలపరవళ్లు
• 2 టీఎంసీలు నిల్వ ఉండేలా చర్యలు
• ఆనందంలో ఇరిగేషన్‌ ఇంజినీరింగ్‌ బృందం
• హర్షం వ్యక్తం చేస్తున్న కర్షకులు

పాలమూరు ప్రాజెక్టు వద్ద జల సంబురం నెలకొన్నది. నార్లాపూర్‌ వద్ద మొదటి లిఫ్ట్‌ నుంచి కృష్ణమ్మ ఉబికివచ్చింది. ఈనెల 16న సీఎం కేసీఆర్‌ వెట్న్‌న్రు ప్రారంభించగా.. బుధవారం మొదటి పంప్‌ను ఇరిగేషన్‌ ఇంజినీర్లు ఆన్‌ చేసి నీటి ఎత్తిపోతను షురూ చేశారు. దీంతో హెడ్‌ రెగ్యులేటరీ నుంచి టన్నెల్‌.. సర్జ్‌పూల్‌, పంప్‌హౌస్‌ మీదుగా బాహుబలికి మించిన మోటర్ల (145 మెగావాట్ల సామర్థ్యం) ద్వారా డెలివరీ సిస్టర్న్‌ నుంచి గంగమ్మ పరవళ్లు తొక్కుతూ రిజర్వాయర్‌లోకి చేరింది. 2 టీఎంసీల నీటిని నిల్వ ఉంచేలా చర్యలు తీసుకుంటున్నట్లు అధికారులు తెలిపారు. నీటి విడుదలతో అధికారులు ఆనందం వ్యక్తం చేస్తుండగా.. కర్షకులు హర్షం వ్యక్తం చేస్తున్నారు.

– కొల్లాపూర్‌ రూరల్‌, సెప్టెంబర్‌ 27

కొల్లాపూర్‌ రూరల్‌, సెప్టెంబర్‌ 27 : పాలమూరు ప్రాజెక్టు మొదటి లిఫ్ట్‌లోని మోటర్‌ను అధికారులు బుధవారం రన్‌ చేశారు. ఈనెల 16న పాలమూరు-రంగారెడ్డి ఎత్తిపోతల వద్ద వెట్న్‌న్రు ముఖ్యమంత్రి కేసీఆర్‌ ప్రారంభించి ప్రాజెక్టును జాతికి అంకితం చేశారు. నాలుగు గంటలపాటు బాహుబలికి మించి 145 మెగావాట్ల సామర్థ్యం ఉన్న మోటర్‌తో నీటిని ఎత్తిపోశారు. దీంతో అంజనగిరి రిజర్వాయర్‌లో .02 టీఎంసీలు తరలించారు. తర్వాత నీటి తోడివేతను ఆఫ్‌ చేయగా.. తిరిగి సాయంత్రం 5 గంటలకు ఇరిగేషన్‌ అధికారులు ప్రారంభించారు. దీంతో కృష్ణమ్మ పరవళ్లు తొక్కుతూ డెలివరీ సిస్టర్న్‌ నుంచి ఉబికివచ్చింది.