సింగిడీలు పూసుకున్న రంగురంగుల లోకం
హంగులెన్నో దిద్దుకున్న అద్భుతమైనదీ లోకం
వెలుగుంటే దర్శనం..
అద్భుతాన్ని గాంచితేనే ఆనందం.. మహానందం..
కదిలే నాగలి సాగు గీతలు
అందమైన లోకానికి హరిత చూపులు
ముసలవ్వ, తాతలకు
ముద్దుల మనుమరాండ్లను చూసి
మురిసిపోయే ఆప్యాయత చూపులు
కంప్యూటర్లకు హత్తుకున్న జీవితాలకు అత్యుత్తమ చూపులు
దేశాన్ని కాపాడే కండ్లను కాపాడే చూపులు
అన్యాయాన్ని ధిక్కరించే వారికి అభ్యుదయపు చూపులు
నెత్తికి చెయ్యి అడ్డం పెట్టుకునే
నేల చూపులు కాదు కావాల్సింది
శిఖరంలా నింగిని చూసే చూపు కావాలి
మంద చూపు కాదు, ముందుచూపు కావాలి
ఇంటిముందు సంక్రాంతి ముగ్గుల్లా
కంటి ముందుకే వైద్య దీపాలు..
కండ్లకు అద్దాలు, కాళ్లకు ఉద్దాలు
అన్నివర్గాల జీవితాలకు వెలుగు కిరీటాలు
మసక బారిన బతుకులకు మనోధైర్యం
కంటి వెలుగు
చిక్కొండ్ర రవి
9502378992
బుద్ధారం( గ్రామం )
గోపాల్ పేట (మండలం) వనపర్తి (జిల్లా)
పిన్ నెం. 509206