సొంత చిట్కాలొద్దు

పుట్టిన బిడ్డని ఎంతో భద్రంగా చూసుకుంటాం. ఇంటిల్లిపాదీ ముద్దు చేస్తాం. మురిపెం ఎక్కువైనాఒక్కోసారి ప్రమాదమే!

పుట్టిన బిడ్డని ఎంతో భద్రంగా చూసుకుంటాం. ఇంటిల్లిపాదీ ముద్దు చేస్తాం. మురిపెం ఎక్కువైనాఒక్కోసారి ప్రమాదమే! బిడ్డ పోషణలో వ్యక్తిగత ఇష్టాయిష్టాల కన్నా.. నిపుణులు సూచించిన పద్ధతులను పాటించడంమేలు. పిల్లల పెంపకంలో వేటిని పాటించాలో, వేటిని పక్కన పెట్టాలో తెలుసుకోవడం చాలా అవసరం.

• జలుబు రాకుండా ఉంటుందని ముక్కులో నూనె చుక్కలు వేస్తుంటారు. దీనివల్ల బిడ్డకు సమస్య వచ్చే ప్రమాదం ఉంది. కాబట్టి అలాంటి చిట్కాలు పాటించొద్దు.
• తల్లికి జ్వరం వస్తే బిడ్డకు పాలు ఆపమని చెబుతారు. కానీ, నిరభ్యంతరంగా ఇవ్వొచ్చు.
• బిడ్డకు ఎక్కిళ్లు వస్తే.. బొడ్డుపై రాగి నాణెం, వెండి చెంచా పెట్టడం సరికాదు.
• చిన్నారికి జ్వరం వస్తే.. డాక్టర్‌ను సంప్రదించకుండా ఎలాంటి మందులూ వేయకూడదు.
• బుజ్జాయి డీహైడ్రేషన్‌కు గురైతే మంచినీళ్లు ఇవ్వాలే గానీ, ఎనర్జీ డ్రింక్స్‌ అస్సలు ఇవ్వకూడదు.