వావ్‌.. ఆలివ్‌!

ఆరోగ్యానికి ఆలివ్‌ నూనె మంచిదని చెబుతారు. కానీ, ధర ఎక్కువ కావడం వల్ల.. వంటల్లో వాడలేని పరిస్థితి. ఆలివ్‌ పండ్లతోనూ అవే ఆరోగ్య ప్రయోజనాలు పొందొచ్చని నిపుణులు చెబుతున్నారు. ఆయిల్‌తో పోలిస్తే, వీటి ధర తక్కువగా ఉంటుంది.

ఆరోగ్యానికి ఆలివ్‌ నూనె మంచిదని చెబుతారు. కానీ, ధర ఎక్కువ కావడం వల్ల.. వంటల్లో వాడలేని పరిస్థితి. ఆలివ్‌ పండ్లతోనూ అవే ఆరోగ్య ప్రయోజనాలు పొందొచ్చని నిపుణులు చెబుతున్నారు. ఆయిల్‌తో పోలిస్తే, వీటి ధర తక్కువగా ఉంటుంది. ఆలివ్స్‌లో యాంటి ఆక్సిడెంట్లు పుష్కలంగా లభిస్తాయి. గుండెకు మేలుచేసే మోనోఅన్‌శాచురేటెడ్‌ కొవ్వులు, ఫైబర్‌ కూడా ఎక్కువగా ఉండటం వల్ల.. ఆరోగ్యానికి అనేక రకాలుగా ఉపయోగపడతాయి. కొలెస్ట్రాల్‌, రక్తపోటును తగ్గిస్తాయి. గుండె ఆరోగ్యానికి మద్దతు ఇస్తాయి. కొన్నిరకాల క్యాన్సర్ల ప్రమాదాన్ని తగ్గించడంలోనూ సాయపడుతాయని పలు సర్వేలు తేల్చాయి. జీర్ణ వ్యవస్థతోపాటు చర్మ ఆరోగ్యాన్నీ కాపాడుతాయి.

ఆలివ్స్‌లో మోనో అన్‌శాచురేటెడ్‌ కొవ్వులు, ఒలీక్‌ యాసిడ్‌ పుష్కలంగా లభిస్తుంది. ఇవి ఎల్‌డీఎల్‌ (చెడు) కొలెస్ట్రాల్‌ను తగ్గించి.. హెచ్‌డీఎల్‌ (మంచి) కొలెస్ట్రాల్‌ను పెంచడానికి సహాయపడతాయి.

• ఆలివ్స్‌లో ఉండే ఒలీక్‌ యాసిడ్‌.. రక్తపోటును తగ్గించడంలో ముందుంటుంది.
• ఇందులోని యాంటి ఇన్‌ఫ్లమేటరీ లక్షణాలు.. గుండెకు హానిచేసే ఇన్‌ఫ్లమేషన్‌ను తగ్గిస్తాయి.
• యాంటి ఆక్సిడెంట్లకు ఆలివ్స్‌ పెట్టింది పేరు. వీటిలో అధికంగా లభించే విటమిన్‌ ఇ, ఒలియురోపిన్‌, హైడ్రాక్సీటైరోసోల్‌.. ఫ్రీ రాడికల్స్‌ వల్ల కలిగే నష్టం నుండి కణాలను రక్షిస్తాయి.
• ఆలివ్స్‌లో ఉండే ఫైబర్‌ కంటెంట్‌.. ఆరోగ్యకరమైన జీర్ణక్రియను ప్రోత్సహించడంలో సహాయపడుతుంది. మలబద్ధకాన్ని నివారిస్తుంది. బరువు నిర్వహణలోనూ సహాయపడుతుంది.
• ఎముకల ఆరోగ్యానికీ ఆలివ్స్‌ భరోసా ఇస్తాయి.
• ఆరోగ్యానికి ఎన్నోరకాలుగా ఉపయోగపడే విటమిన్‌ ఎ, విటమిన్‌ ఇ, ఐరన్‌, కాపర్‌, క్యాల్షియం వంటి విటమిన్లు, ఖనిజాలు.. ఆలివ్స్‌లో పుష్కలంగా లభిస్తాయి.
• ఇందులోని విటమిన్‌ ఇ.. చర్మ ఆరోగ్యానికి మేలుచేస్తుంది.