ముందస్తు హెచ్చరికలు!

ఆరోగ్యాన్ని కాపాడటంలో ఆహారానిదే కీలకపాత్ర. పోషకాలతో నిండిన సంపూర్ణ ఆహారమే మనిషికి రక్ష. అయితే, ఆహారంలో ఏవైనా పోషకాలు లోపిస్తే.. అవి ఆరోగ్య సమస్యల రూపంలో హెచ్చరికలు పంపుతాయి.

ఆరోగ్యాన్ని కాపాడటంలో ఆహారానిదే కీలకపాత్ర. పోషకాలతో నిండిన సంపూర్ణ ఆహారమే మనిషికి రక్ష. అయితే, ఆహారంలో ఏవైనా పోషకాలు లోపిస్తే.. అవి ఆరోగ్య సమస్యల రూపంలో హెచ్చరికలు పంపుతాయి. వాటిని సరైన సమయంలో గుర్తించి.. తగిన ఆహారం తీసుకుంటే సమస్య తీరిపోతుంది. లేకుంటే.. సమస్య ముదిరి అనారోగ్యానికి దారితీస్తుంది. మరి.. ఎలాంటి పోషకాహార లోపానికి శరీరం ఎలాంటి సంకేతాలను చూపిస్తుందో చూద్దాం..

• శరీరంలో అయోడిన్‌ లోపిస్తే.. మాటిమాటికీ జలుబు పలకరిస్తుంది. రక్తం లేకపోవడం, డయాబెటిస్‌, విటమిన్‌ బి-12 లోపం కూడా ఎక్కువగా జలుబు రావడానికి కారణం అవుతాయి.
• విటమిన్‌-డి లోపిస్తే.. వెన్నులో, కాళ్లలో నొప్పి కనిపిస్తుంది. ఆందోళన, డిప్రెషన్‌తోపాటు తరచుగా అనారోగ్యానికి గురవుతున్నా.. విటమిన్‌-డి
  లోపించిందేమో పరీక్షించుకోవాలి.
• కాళ్లు, చేతుల కండరాల్లో తరచుగా నొప్పి, తిమ్మిర్లు వస్తుంటే.. మెగ్నీషియం లోపం కావొచ్చు. దీన్ని నిర్లక్ష్యం చేస్తే.. తీవ్రమైన ఆరోగ్య సమస్యలు
  తలెత్తుతాయి.
• సరైన నిద్ర లేకపోతే సహజంగానే ఆవలింతలు వస్తుంటాయి. అలా కాకుండా కొందరు కంటినిండా నిద్రపోయినా.. పదేపదే ఆవలింతలు తీస్తుంటారు. అలాంటివారి శరీరంలో ఐరన్‌ లోపించిందని అర్థం.
• కాళ్లు, చేతుల్లో జలదరింపులా అనిపిస్తుందా? అయితే, విటమిన్‌ బి-12 లోపం కావొచ్చు. మానసిక ఆరోగ్యం దెబ్బతినటం, డిప్రెషన్‌ వంటి సమస్యలూ.. విటమిన్‌ బి-12 లోపిస్తేనే కనిపిస్తాయి.