Karepalli : గ్రామ పంచాయతీ సమస్యలు పరిష్కరించాలని సిపిఎం నిరసన

ఖమ్మం జిల్లా సింగరేణి మండల కేంద్రమైన కారేపల్లి గ్రామ పంచాయతీలో నెలకొన్న సమస్యలను పరిష్కరించాలని కోరుతూ శనివారం సిపిఎం పార్టీ ఆధ్వర్యంలో గ్రామ పంచాయతీ కార్యాలయం ముందు నిరసన వ్యక్తం చేశారు.

కారేపల్లి, ఏప్రిల్ 19 : ఖమ్మం జిల్లా సింగరేణి మండల కేంద్రమైన కారేపల్లి గ్రామ పంచాయతీలో నెలకొన్న సమస్యలను పరిష్కరించాలని కోరుతూ శనివారం సిపిఎం పార్టీ ఆధ్వర్యంలో గ్రామ పంచాయతీ కార్యాలయం ముందు నిరసన వ్యక్తం చేశారు. ఈ సందర్భంగా ఆ పార్టీ మండల కార్యదర్శి కుందనపల్లి నరేంద్ర మాట్లాడుతూ.. గత రెండేళ్లుగా గ్రామ పంచాయతీలో ఎటువంటి అభివృద్ధి పనులు జరగలేదన్నారు.

పంచాయతీ కార్మికులకు నెలనెలా వేతనాలు చెల్లించి, అభివృద్ధి పనులను చేపట్టాలని అధికారులను కోరారు. ఈ కార్యక్రమంలో పార్టీ నాయకులు కొండబోయిన నాగేశ్వరరావు, ఉమావతి, తలారి దేవప్రకాశ్‌, అన్నారపు కృష్ణ, ముండ్ల ఏకాంబరం, పాసిని నాగేశ్వరరావు, వీరమల్లు, యాసిన్‌, చంద్రయ్య, వీరమ్మ పాల్గొన్నారు.