Harshit Rana | ఐపీఎల్ 2026కి ముందే కేకేఆర్‌కు షాక్.. హర్షిత్ రాణాకి గాయం, ఆయ‌న స్థానంలో ముగ్గురు పేసర్ల ట్రయల్స్

Harshit Rana | ఐపీఎల్ 2026 సీజన్ ప్రారంభానికి ముందే డిఫెండింగ్ ఛాంపియన్ కోల్‌కతా నైట్ రైడర్స్ (KKR) జట్టుకు పెద్ద షాక్ తగిలింది. జట్టు కీలక పేసర్ హర్షిత్ రాణా గాయపడటంతో టోర్నీ మొత్తానికి దూరమయ్యే అవకాశం ఉందని సమాచారం. దీంతో జట్టు మేనేజ్మెంట్ వెంటనే అప్రమత్తమై అతని స్థానాన్ని భర్తీ చేసేందుకు ప్రత్యామ్నాయాల కోసం ప్రయత్నాలు ప్రారంభించింది.

Harshit Rana | ఐపీఎల్ 2026 సీజన్ ప్రారంభానికి ముందే డిఫెండింగ్ ఛాంపియన్ కోల్‌కతా నైట్ రైడర్స్ (KKR) జట్టుకు పెద్ద షాక్ తగిలింది. జట్టు కీలక పేసర్ హర్షిత్ రాణా గాయపడటంతో టోర్నీ మొత్తానికి దూరమయ్యే అవకాశం ఉందని సమాచారం. దీంతో జట్టు మేనేజ్మెంట్ వెంటనే అప్రమత్తమై అతని స్థానాన్ని భర్తీ చేసేందుకు ప్రత్యామ్నాయాల కోసం ప్రయత్నాలు ప్రారంభించింది.టి20 వరల్డ్ కప్ 2026 సన్నాహకాల్లో భాగంగా దక్షిణాఫ్రికాతో జరిగిన వార్మప్ మ్యాచ్‌లో హర్షిత్ రాణా గాయపడ్డారు. మ్యాచ్‌లో కేవలం ఒక ఓవర్ మాత్రమే వేసిన ఆయనకు కుడి మోకాలికి లిగమెంట్ స్ట్రెయిన్ కావడంతో వెంటనే మైదానం విడిచిపెట్టాల్సి వచ్చింది. తదుపరి వైద్య పరీక్షల్లో ఆయనకు శస్త్రచికిత్స అవసరమని తేలడంతో ప్రస్తుతం విశ్రాంతి తీసుకుంటున్నారు. బీసీసీఐ మెడికల్ టీమ్ నివేదిక ప్రకారం ఈ ఐపీఎల్ సీజన్ మొత్తం లేదా ఎక్కువ భాగం మ్యాచ్‌లకు ఆయన అందుబాటులో ఉండకపోవచ్చని తెలుస్తోంది.

హర్షిత్ రాణా స్థానాన్ని భర్తీ చేసేందుకు కేకేఆర్ మేనేజ్మెంట్ ముగ్గురు అనుభవజ్ఞులైన దేశవాళీ పేసర్లను ట్రయల్స్‌కు పిలిచింది. వారిలో సిమర్‌జీత్ సింగ్, కేఎం ఆసిఫ్, సందీప్ వారియర్ ఉన్నారు. వారిలో సిమర్‌జీత్ సింగ్ గతంలో చెన్నై సూపర్ కింగ్స్, సన్‌రైజర్స్ హైదరాబాద్ తరపున ఐపీఎల్‌లో ఆడిన అనుభవం ఉంది. గంటకు సుమారు 140 కిలోమీటర్ల వేగంతో బంతులు విసరగల సామర్థ్యం, పదునైన యార్కర్లు వేయడం అతని ప్రత్యేకత.ముంబైలో జరిగిన మొదటి దశ ట్రయల్స్‌లో కేకేఆర్ స్కౌటింగ్ హెడ్ బిజూ జార్జ్ సమక్షంలో ఆయన మంచి ప్రదర్శన చేశారని సమాచారం. ప్రస్తుతానికి జట్టులో చోటు దక్కే అవకాశాలు అతనికే ఎక్కువగా ఉన్నట్లు వార్తలు వినిపిస్తున్నాయి.

మరోవైపు కేఎం ఆసిఫ్, సందీప్ వారియర్ బుధవారం కోల్‌కతాలోని ఈడెన్ గార్డెన్స్ మైదానంలో జరిగిన కేకేఆర్ తొలి శిక్షణా సెషన్‌లో పాల్గొన్నారు. 32 ఏళ్ల కేఎం ఆసిఫ్ ఇటీవల సయ్యద్ ముస్తాక్ అలీ ట్రోఫీలో అద్భుతమైన ఫామ్ చూపించారు. వేగంతో పాటు విభిన్న వేరియేషన్స్ వేయడంలో ఆయనకు మంచి అనుభవం ఉంది. ఇక సందీప్ వారియర్ విషయానికి వస్తే, కేకేఆర్ జట్టుతో ఆయనకు పాత అనుబంధం ఉంది. 2019లో ఇదే జట్టు తరపున ఐపీఎల్ అరంగేట్రం చేసిన ఆయన మూడు సీజన్లు కోల్‌కతా జెర్సీ ధరించారు. గుజరాత్ టైటాన్స్ తరపున కూడా ఆడిన అనుభవం ఆయనకు ఉంది. ఈ ట్రయల్స్‌ను కేకేఆర్ డిప్యూటీ కోచ్ మన్విందర్ బిస్లాతో పాటు కోచింగ్ సిబ్బంది నిశితంగా పరిశీలిస్తున్నారు. హర్షిత్ రాణా లాంటి స్పీడ్ బౌలర్ లేకపోవడం జట్టుకు పెద్ద లోటుగా మారే అవకాశం ఉండటంతో, అతని స్థానాన్ని భర్తీ చేయగల సామర్థ్యం ఉన్న ఆటగాడిని ఎంపిక చేయాలని మేనేజ్మెంట్ భావిస్తోంది. డిఫెండింగ్ ఛాంపియన్‌గా ఐపీఎల్ 2026లో బరిలోకి దిగుతున్న కేకేఆర్, ఈ కీలక మార్పుతో తన బౌలింగ్ బలాన్ని ఎంతవరకు నిలబెట్టుకుంటుందో చూడాలి. త్వరలోనే ఈ ముగ్గురిలో ఒకరిని అధికారికంగా జట్టులోకి తీసుకునే అవకాశం ఉందని సమాచారం.