Khammam Rural : రేప‌టి నుండి ఖ‌మ్మం రూర‌ల్ మండ‌లంలో నామినేషన్ల స్వీకరణ

ఖ‌మ్మం రూర‌ల్ మండ‌లంలో నామినేషన్ల స్వీకరణ ఆదివారం నుండి ప్రారంభం కానుంది. మండల పరిధిలోని 21 గ్రామాలు, 202 వార్డులకు పోటీ చేసే అభ్యర్థుల నుండి సంబంధిత ఎన్నికల అధికారులు ఈ నెల 30 నుండి డిసెంబర్ 02 సాయంత్రం 5 గంటల వ‌ర‌కు నామినేషన్లు స్వీకరించనున్నారు.

– మండల వ్యాప్తంగా 8 క్లస్టర్ల ఏర్పాటు
– 21 గ్రామాలు, 202 వార్డులు

ఖమ్మం రూరల్, న‌వంబ‌ర్ 29 : ఖ‌మ్మం రూర‌ల్ మండ‌లంలో నామినేషన్ల స్వీకరణ ఆదివారం నుండి ప్రారంభం కానుంది. మండల పరిధిలోని 21 గ్రామాలు, 202 వార్డులకు పోటీ చేసే అభ్యర్థుల నుండి సంబంధిత ఎన్నికల అధికారులు ఈ నెల 30 నుండి డిసెంబర్ 02 సాయంత్రం 5 గంటల వ‌ర‌కు నామినేషన్లు స్వీకరించనున్నారు. ఇందుకుగాను ఎన్నికల అధికారులు నామినేషన్ల స్వీకరణకు 8 క్లస్టర్లను ఏర్పాటు చేయడం జరిగింది. క్లస్టర్ నంబర్ 01 కామంచికల్ గ్రామపంచాయతీ ఆఫీస్‌లో కామంచికల్, దారేడు, పడమటి తండాకు సంబంధించిన సర్పంచులు, వార్డు స‌భ్యుల నుండి అధికారులు నామినేషన్లు స్వీకరించనున్నారు. క్లస్టర్ నంబర్ 2 పోలేపల్లి జీపీ ఆఫీస్‌లో పోలేపల్లి, గొల్లపాడు, పల్లెగూడెం పంచాయతీలకు సంబంధించి, క్లస్టర్ నంబర్ 3 తీర్థాల గ్రామ పంచాయతీ ఆఫీసులో తీర్థాల, మంగళగూడెం, పోలిశెట్టి గూడెం, క్లస్టర్ నంబర్ 4 గూడూరుపాడు జీపీ కార్యాలయంలో గూడూరుపాడు, తనగంపాడు, తస్న తండా పంచాయతీల సంబంధించిన నామినేషన్ల స్వీకరణ కార్యక్రమం ఉంటుంది.

క్లస్టర్ నంబర్ 5 ఎం వెంకటయ్యపాలెం జీపీ ఆఫీస్‌లో ఎంవి పాలెం గ్రామానికి సంబంధించిన సర్పంచ్, వార్డు మెంబర్లకు సంబంధించిన నామినేషన్లను స్వీకరించనున్నారు. క్లస్టర్ నంబర్ 6 ఆరెంపుల గ్రామ పంచాయతీ కార్యాలయంలో ఆరెంపుల, కొండాపురం గ్రామాల సర్పంచ్, వార్డు మెంబర్లకు సంబంధించిన నామినేషన్లను స్వీకరించనున్నారు. క్లస్టర్ నంబర్ 7 ఆరెకోడు గ్రామ పంచాయతీ ఆఫీసులో ఆరెకోడు, ఆరెకోడుతండా, చింతపల్లి గ్రామాలకు సంబంధించిన నామినేషన్లను అధికారులు స్వీకరిస్తారు. అదేవిధంగా క్లస్టర్ నంబర్ 8 తల్లంపాడు గ్రామ పంచాయతీ కార్యాలయంలో తల్లంపాడు, పొన్నెకల్లు గ్రామాలకు సంబంధించిన నామినేషన్లను అధికారులు స్వీకరించడం జరుగుతుంది. డిసెంబ‌ర్ 14వ తేదీన సర్పంచ్, వార్డు మెంబర్లకు ఎన్నికలు జరగనున్నాయి. ఈ ఎన్నికల్లో 35,797 మంది త‌మ ఓటు హక్కు వినియోగించుకోనున్నారు.