లాంఛనంగా ‘లక్ష’ సాయం

ఈ సందర్భంగా మంత్రి కమలాకర్‌ మాట్లాడుతూ ప్రభుత్వం బీసీ కుల వృత్తులు, చేతివృత్తుల వారికి ఆర్థిక సాయం కింద రూ.లక్ష అందించే కార్యక్రమాన్ని 9న సీఎం కేసీఆర్‌ లాంఛనంగా ప్రారంభిస్తారని తెలిపారు. 9న రెండో విడత గొర్రెల పంపిణీ కార్యక్రమాన్ని ప్రారంభించాలన్నారు. మంత్రి హరీశ్‌రావు మాట్లాడుతూ 14న వైద్య దినోత్సవాన్ని ఘనంగా నిర్వహించేందుకు ప్రతి నియోజకవర్గానికి అదనంగా రూ.లక్ష చొప్పున నిధులు వైద్య శాఖ నుంచి విడుదల చేస్తున్నామని తెలిపారు. కలెక్టర్‌ వీపీ గౌతమ్‌ మాట్లాడుతూ సంక్షేమ దినోత్సవం రోజున కుల, చేతి వృత్తుల వారికి చెకుల పంపిణీ, ఇంటి స్థలాలు, గొర్రెల యూనిట్ల పంపిణీ చేపడ తామన్నారు.

మామిళ్లగూడెం, జూన్‌ 7 : రాష్ట్ర దశాబ్ది ఉత్సవాలను పురసరించుకుని ఈనెల 11న లకారం ట్యాంక్‌ బండ్‌ వద్ద కవి సమ్మేళనాన్ని నిర్వహించనున్నట్లు కలెక్టర్‌ వీపీ గౌతమ్‌ ఒక ప్రకటనలో తెలిపారు. పదేళ్ల తెలంగాణ ప్రగతి ప్రస్థానాన్ని, తెలంగాణ అస్థిత్వాన్ని కవితల రూపంలో రాయాలని పేర్కొన్నారు. 11న జరిగే  సమ్మేళనంలో పాల్గొన్న కవుల పద్యాలు, కవితల్లో ఐదింటిని రాష్ట్రస్థాయి పోటీలకు పంపనున్నట్లు తెలిపారు. కవులు తమ పేరు, వివరాలను 9వ తేదీ సాయంత్రం 5 గంటల్లోపు ఐడీవోసీలోని జిల్లా పౌరసంబంధాల అధికారి కార్యాలయంలో, అదనపు పౌరసంబంధాల అధికారి ఫోన్‌ నెంబ ర్‌ 9173967 64337కు చేసి నమోదు చేసుకోవాలని పేర్కొన్నారు.

బీసీ కుల, చేతివృత్తుల వారు ప్రభుత్వం అందించే ఆర్థిక సహాయం కోసం ఈనెల 20వ తేదీలోపు దరఖాస్తులను ఆన్‌లైన్‌లో సమర్పించాలని కలెక్టర్‌ గౌతమ్‌ ఒక ప్రకటనలో తెలిపారు. https:// tso bmmsbc.cgg.gov.in నందు 20లోపు దరఖాస్తు చేసుకోవాలని సూచించారు. దరఖాస్తుదారుల అర్హత వయస్సు 21 నుంచి 55 ఏళ్ల మధ్యలో ఉండాలని, వార్షికాదాయం గ్రామీణ ప్రాంతాల్లో రూ.1.50లక్షలు, పట్టణ ప్రాంతాల్లో రూ.2లక్షలు ఉండాలని పేర్కొన్నారు.

మామిళ్లగూడెం, జూన్‌ 7 : ఇళ్ల స్థలాలు లేని నిరుపేదలకు భూ పంపిణీకి చర్యలను వేగవంతం చేయాలని కలెక్టర్‌ వీపీ గౌతమ్‌ అధికారులను ఆదేశించారు. బుధవారం ఐడీవోసీలోని వీడియో కాన్ఫరెన్స్‌ హాల్‌లో దశాబ్ది ఉత్సవాల్లో భాగంగా ఈనెల 9న సంక్షేమ దినోత్సవం రోజున నివాస స్థలాల పట్టాల పంపిణీ, బీసీ కుల, చేతివృత్తుల వారికి ఆర్థిక సాయంపై జిల్లాలోని తహసీల్దార్లతో కలెక్టర్‌ సమీక్షించారు. జిల్లాలో 58 ఎకరాలు నివాస స్థలాల పట్టాల పంపిణీకి గుర్తించినట్లు తెలిపారు. ఇందుకోసం 4,526 దరఖాస్తులు అందినట్లు తెలిపారు. దరఖాస్తుల పరిశీలన పూర్తి పారదర్శకంగా చేపట్టి అర్హులకు అందేలా చర్యలు చేపట్టాలన్నారు. సంక్షేమ దినోత్సవం నా టికి అర్హులకు పట్టాల పంపిణీకి చర్యలన్నీ పూర్తి చేసి సిద్ధంగా ఉండాలన్నారు. వీసీలో అదనపు కలెక్టర్‌ ఎన్‌.మధుసూదన్‌, డీఆర్వో ఆర్‌.శిరీష, బీసీ సంక్షేమ అధికారిణి జి.జ్యోతి, సాంఘిక సంక్షేమ శాఖ డీడీ కె.సత్యనారాయణ, అర్బన్‌ తహసీల్దార్‌ శైలజ, కలెక్టరేట్‌ పర్యవేక్షకులు వెంకటేశ్వర్లు, రాంబాబు, డీటీ రంజిత్‌ పాల్గొన్నారు.