బీజేపీ నేతలు ప్రజలను రెచ్చగొడితే ఊరుకోం..
- మంత్రి పువ్వాడపై బురద చల్లాలని చూస్తే సహించం
- బండి సంజయ్పై మండిపడిన ఖమ్మం టీఆర్ఎస్ నేతలు
ఖమ్మం, మే 16 : ప్రశాంతంగా ఉన్న ఖమ్మం నగరంలో బీజేపీ నాయకులు కులాల పేరుతో ప్రజలను రెచ్చగొట్టాలని చూస్తే ఊరుకోమని మాజీ ఎమ్మెల్సీ బాలసాని లక్ష్మీనారాయణ, ఖమ్మం మేయర్ పునుకొల్లు నీరజ, డీసీఎంఎస్ చైర్మన్ రాయల శేషగిరిరావు, డీసీసీబీ చైర్మన్ కూరాకుల నాగభూషణం హెచ్చరించారు. సోమవారం నగరంలోని మంత్రి పువ్వాడ క్యాంప్ కార్యాలయంలో విలేకరుల సమావేశంలో వారు మాట్లాడారు. బీజేపీకి చెందిన గల్లీ కార్యకర్త సాయిగణేశ్కు మంత్రి పువ్వాడ అజయ్కుమార్కు ఏమైనా సంబంధం ఉందా అని ప్రశ్నించారు. బండి సంజయ్ ఒక జాతీయ పార్టీకి రాష్ట్ర అధ్యక్షుడిగా ఉండి చిల్లరగా మాట్లాడడం సరికాదన్నారు. పక్క రాష్ట్రంలో మాజీ సీఎం సోదరుడిని హత్య చేసి నాలుగేండ్లు అవుతున్నా ఆ కేసును సీబీఐ ఇంతవరకు పరిష్కరించలేదన్నారు. తెలంగాణలో నిర్మించిన సాగునీటి ప్రాజెక్టులకు జాతీయ హోదా ఎందుకు ఇవ్వట్లేదని ప్రశ్నించారు.
బండి సంజయ్ తొండి సంజయ్గా మారాడని, బీజేపీ కేంద్రంలో అధికారంలో ఉండి ఖమ్మానికి ఏమి చేశారో చెప్పాలని అన్నారు. ఖమ్మంలో జరిగిన కమ్మ సంఘం ఎన్నికల గురించి సంజయ్ మాట్లాడటం సిగ్గుచేటని, ఆయన పక్కనే ఉన్న కమ్మ నాయకుడికి బీజేపీ ఏమి చేసిందో చెప్పాలని డిమాండ్ చేశారు. ఖమ్మంలో కులాలు, మతాల గురించి మాట్లాడితే సహించేది లేదని హెచ్చరించారు. కేసీఆర్ అమలు చేసే పథకాలకు పేర్లు మార్చి వారు పాలించే రాష్ర్టాల్లో అమలుచేస్తున్న బీజేపీ ఇప్పటికైనా కేసీఆర్ అంటే ఏమిటో తెలుసుకోవాలని సూచించారు. మంత్రి అజయ్పై బురద చల్లాలని చూసినా.. అవాకులు, చెవాకులు పేలినా టీఆర్ఎస్ సత్తా ఏమిటో చూపించాల్సి వస్తుందని హెచ్చరించారు. ఈ సమావేశంలో సుడా చైర్మన్ బచ్చు విజయ్కుమార్, మార్కెట్ కమిటీ చైర్మన్ లక్ష్మీప్రసన్న, డిప్యూటీ మేయర్ ఫాతిమా జోహారా, టీఆర్ఎస్ సీనియర్ నాయకులు ఆర్జేసీ కృష్ణ, కర్నాటి కృష్ణ, కమర్తపు మురళి, తాజుద్దీన్, బొమ్మెర రాంమ్మూర్తి, వీరూనాయక్, చింతనిప్పు కృష్ణచైతన్య, కార్పొరేటర్లు పసుమర్తి రామ్మోహన్రావు, దాదే అమృతమ్మ, వలరాజు పాల్గొన్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
Sajjanar | పోస్టింగ్ ఎక్కడ ఇచ్చినా తగ్గేది లేదు.. సజ్జనార్ కీలక వ్యాఖ్యలు!
మాల వేసుకుని చెప్తున్న.. కాంగ్రెస్ మళ్లా రాదు!.. సీఎం కరప్షన్తో తీవ్రనష్టం.. రేవంత్పై ఎమ్మెల్యే రాజగోపాల్ ఫైర్
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

