Fine Rice : రేషన్ షాపుల్లో సన్న బియ్యం పంపిణీ ప్రారంభం

ఖ‌మ్మం జిల్లా బోన‌క‌ల్లు మండలం ముష్టికుంట్ల, చిన్నబీరవల్లి గ్రామ పంచాయతీ పరిధిలో చౌక ధరల దుకాణాల ద్వారా మంగళవారం సన్న బియ్యం పంపిణీ కార్యక్రమాన్ని తాసీల్దార్ అనిశెట్టి పుర్ణ‌చందర్ ప్రారంభించారు.

బోనకల్లు, ఏప్రిల్ 01 : ఖ‌మ్మం జిల్లా బోన‌క‌ల్లు మండలం ముష్టికుంట్ల, చిన్నబీరవల్లి గ్రామ పంచాయతీ పరిధిలో చౌక ధరల దుకాణాల ద్వారా మంగళవారం సన్న బియ్యం పంపిణీ కార్యక్రమాన్ని తాసీల్దార్ అనిశెట్టి పుర్ణ‌చందర్ ప్రారంభించారు. ఈ సందర్భంగా తాసీల్దార్ మాట్లాడుతూ.. ప్రభుత్వం రేషన్ షాపులకు సన్న బియ్యం సరఫరా చేసిందన్నారు. మండలంలోని 26 రేషన్ దుకాణాల్లో సన్న బియ్యం పంపిణీ జరుగుతుందన్నారు. ప్రతి లబ్ధిదారుడు రేషన్ షాపుల్లో సన్న బియ్యాన్ని తీసుకువెళ్లాలన్నారు. ఈ కార్యక్రమంలో ఆర్ఐలు మైథిలి, నవీన్ డీలర్లు అచ్చయ్య, బాలరాజు పాల్గొన్నారు.