Khammam Victim | చివరిసారిగా ఒక్కసారి నా ఇల్లు చూసుకోనివ్వండి.. వెలుగుమట్ల బాధితురాలి ఆవేదన

Khammam Victim | ఖమ్మం బాధితుల పరిస్థితి ఎలా ఉందో ఈ ఒక్క వీడియో కళ్లకు కట్టినట్టు చూపిస్తుంది. ఇల్లు కూల్చివేసే సమయంలో చివరిసారిగా ఒక్కసారి నా ఇల్లు చూసుకోనివ్వండి.. అంటూ ఓ మహిళ కన్నీరుమున్నీరైంది.

February 26, 2026 / 01:33 PM IST

Khammam Victim | చివరిసారిగా ఒక్కసారి నా ఇల్లు చూసుకోనివ్వండి.. వెలుగుమట్ల బాధితురాలి ఆవేదన

Khammam Victim | కాంగ్రెస్‌ సర్కార్‌ బుల్డోజర్ల ధాటికి పేదల ఇళ్లు కుప్పకూలిపోతున్నాయి. రేవంత్‌ ప్రభుత్వం ఖమ్మం అర్బన్‌ వెలుగుమట్ల భూదాన్‌ భూముల్లో పేదలు ఎంతో కష్టపడి కట్టుకున్నఇళ్లను కూల్చివేస్తూ.. వారికి నిలువ నీడ లేకుండా చేసి దిక్కుతోచని స్థితిలోకి నెట్టేస్తుంది. అప్పులు చేసి, రుణాలు తీసుకొని, బంగారం అమ్ముకుని ఎంతో కష్టపడి కట్టుకున్న తమ కలల ఇంటిని కండ్ల ముందే కూల్చేస్తుంటే బాధితులు గుండెలవిసేలా బోరుమని ఏడుస్తున్నారు.

ఖమ్మం బాధితుల పరిస్థితి ఎలా ఉందో ఈ ఒక్క వీడియో కళ్లకు కట్టినట్టు చూపిస్తుంది. ఇల్లు కూల్చివేసే సమయంలో చివరిసారిగా ఒక్కసారి నా ఇల్లు చూసుకోనివ్వండి.. అంటూ ఓ మహిళ కన్నీరుమున్నీరైంది. పోలీసుల పహారా మధ్య ఆమెను కుటుంబసభ్యులు, స్థానికులు ఓదారుస్తూ బయటకు తీసుకెళ్తున్న దృశ్యాలు అందరినీ కంటతడి పెట్టించేలా ఉన్నాయి.

రూపాయి రూపాయి పోగేసి కట్టుకున్న ఇళ్లను కనికరం లేకుండా ఎలాంటి ముందస్తు సమాచారం లేకుండా కళ్లముందే కూలగొడుతుంటే తట్టుకోలేక వెలుగుమాట్ల బాధితులు భోరున విలపిస్తున్నారు.

చివరిసారిగా ఒక్కసారి నా ఇల్లు చూసుకోనివ్వండి!

రూపాయి రూపాయి పోగేసి కట్టుకున్న కళ్ళముందే కూలగొడుతుంటే తట్టుకోలేక భోరున ఏడుస్తున్న ఖమ్మం వెలుగుమాట్ల బాధితులు pic.twitter.com/XlIo1BIfZc

— Telugu Scribe (@TeluguScribe) February 26, 2026